པ་ཀིཛ་ཏཱན་ལུ་ དྲག་ཐོག་དབང་བཙོང་ ཡར་འཕར་འགྱོ་མི་དེ་ བློན་ཆེན་བགྲེསཔ་ལུ་བརྟེན་ཏེ་ཨིན་པའི་ ཁ་ཉེས་བཀལ་ཡོདཔ།

བི་བི་སི།

སྤྱི་ཟླ་ ༦ པའི་ཚེས་ ༢༦ ལུ་ པ་ཀིཛ་ཏཱན་གྱི་བློན་ཆེན་ ཤེ་བཱཛ་ཤ་རིཕ་གིས་ ཞལ་འཛོམས་ཅིག་ནང་ པ་ཀིཛ་ཏཱན་ རྒྱལ་ཁབ་ནང་ དྲག་ཐོག་དབང་བཙོང་གི་སྐོར་ལས་ རྒྱལ་ཡོངས་དང་ལེན་འཆར་གཞི་ལྟར་དུ་ ལག་ལེན་འཐབ་ནི་ལུ་ འཐུས་ཤོར་འབྱུང་མི་དང་ འདས་པའི་ལོ་ངོ་ ༤ གི་ ནང་འཁོད་ལུ་ དྲག་ཐོག་དབང་བཙོང་དང་འབྲེལ་བའི་ ལཱ་ངན་ཡར་འཕར་འགྱོ་མིའི་ རྒྱུ་རྐྱེན་དེ་  བློན་ཆེན་བགྲེསཔ་ ཨིམ་རཱན་ཁཱན་ལུ་བརྟེན་ཏེ་ཨིན་ཟེར་ གསུངས་ཡོདཔ་ཨིན་པས།

བློན་ཆེན་ཤ་རིཕ་གིས་ དྲག་ཐོག་དབང་བཙོང་འབད་མི་དེ་ རྩ་མེད་བཏང་མ་ཚུགས་ཚུན་ཚོད་ འཕྲོ་མཐུད་དེ་ར་ རྩ་འགེངས་ནི་ཨིན་ཟེར་ གསུངས་ཡོདཔ་མ་ཚད་ པ་ཀིཛ་ཏཱན་ རྒྱལ་ཁབ་ཀྱི་ སྲུང་སྐྱོབ་དང་ ཉེན་སྲུང་གི་དོན་ལུ་ རྩ་ལས་ར་ བདེ་ལེན་མི་ཚུགས་ཟེར་ཡང་གསུངས་ནུག།

འདས་པའི་ལོ་ངོ་ ༤ གི་ ནང་འཁོད་ལུ་མེད་པའི་ གྲུབ་འབྲས་མེད་མི་ དམིགས་བསལ་ཤེས་ཡོན་སློབ་སྦྱོང་གྱི་ དང་ལེན་འཆར་གཞིའི་ ཕྱག་འགན་དེ་ཡང་ བློན་ཆེན་ཤ་རིཕ་གིས་ བསྐྱར་གསོ་མཛད་ནི་ཨིན་པའི་ ཞལ་བཞེས་ནུག་ཟེར་ བཀོད་འདུག་པའི་གནས་ཚུལ།