ཡུ་ཀེ་རེན་གྱི་ གོ་མཚོན་འཕྲུལ་ཁང་ལུ་ རྫས་བམ་བཀོག་ནི་མེད་པའི་ཉེན་བརྡ།

ཨཱལ་ཇ་ཟི་ར།
འཛམ་གླིང་སྤྱི་ཚོགས་ཀྱི་ ཡོངས་ཁྱབ་དྲུང་ཆེན་མཆོག་གིས་ ར་ཤི་ཡ་དང་ ཡུ་ཀེ་རེན་ ༢ ཀྱི་བར་ན་ གཅིག་གིས་གཅིག་ལུ་ ཁ་ཉེས་བཀལ་མི་ ཡུ་རོབ་ལུང་ཕྱོགས་ ཡུ་ཀེ་རེན་གྱི་ ཤར་ལྷོ་ཁ་ཐུག་ལུ་ཡོད་མི་ གོ་མཚོན་འཕྲུལ་ཁང་དེ་ དེ་འཕྲལ་ལས་ སྒོ་བསྡམ་དགོཔ་སྦེ་གསུངས་ནུག།
དེ་ཡང་ སྤྱི་ཟླ་ ༨ པའི་ཚེས་ ༡༡ ལུ་ར་ འོད་རླབས་ཅན་གྱི་ རྒྱུ་དངོས་བཞག་སའི་ ཉེ་འདབས་རྩིས་ཏེ་ ཟ་པོ་རིཟ་ཞི་ཡའི་ ས་ཁོངས་ནང་ ལན་ཐེངས་ ༣ དེ་ཅིག་ དྲག་བཅོམ་འབད་ནི་དེ་གིས་ འོང་ནི་ཨིན་པས།
འཛམ་གླིང་སྤྱི་ཚོགས་ ཉེན་སྲུང་ཚོགས་སྡེའི་ ཞལ་འཛོམས་ཀྱི་ སྙན་ཞུ་དང་འཁྲིལ་ཏེ་ འཛམ་གླིང་སྤྱི་ཚོགས་ཀྱི་ ཡོངས་ཁྱབ་དྲུང་ཆེན་ ཨེར་ཊེ་ནིའོ་ ག་ཊར་རེཛ་གིས་ ལུང་ཕྱོགས་དེ་ནང་ གནོད་སྐྱོན་འབྱུང་བཅུག་ནི་ མི་འོང་ནི་ཨིན་པའི་ ཉེད་བརྡ་མཛད་ནུག་ཟེར་ བཀོད་འདུག་པའི་གནས་ཚུལ།