ཡུ་ཨེཛ་གིས་ ཤྲཱི་ལངྐ་ལུ་ སོ་ནམ་གྱི་དོན་ལས་ ཌོ་ལར་ས་ཡ་ ༤༠ གྲོགས་རམ་སྦེ་བྱིན་ནི།

ཨེ་བི་སི།
སྤྱི་ཟླ་ ༩པའི་ཚེས་ ༡༠ ལུ་ ཡུ་ཨེཛ་གིས་ ཤྲཱི་ལངྐ་ལུ་ ལུད་དང་ གཞན་ཡང་ སོ་ནམ་ལུ་ དགོས་མཁོ་ཆེ་བའི་རིགས་ ཉོ་ནིའི་དོན་ལས་ ཌོ་ལར་ས་ཡ་ ༤༠ གྲོགས་རམ་སྦེ་ བྱིན་ནི་ཨིན་པའི་སྐོར་ལས་ གསལ་བསྒྲགས་འབད་ནུག།
དེ་ཡང་ ཤྲཱི་ལངྐ་ལུ་ དཔལ་འབྱོར་གྱི་ གནས་སྟངས་སྐྱོ་དྲགས་ཐལ་ཏེ་ བཟའ་འཐུང་དང་ ས་སྣུམ་ སྨན་ལ་སོགས་པ་ ཉོ་འདྲེན་འབད་ནིའི་དོན་ལུ་ ཕྱི་དངུལ་མེད་པའི་ དཀའ་ངལ་ཐོན་ནི་དེ་གིས་ཨིན་པས།
དེ་འབདཝ་ལས་ རྒྱལ་ཁབ་དེ་ནང་ དབང་འཛིན་ཚུ་གིས་ ནང་འདྲེན་འབད་ནི་ བཀག་དམ་འབད་བ་ལུ་བརྟེན་ཏེ་ ནམ་དུས་ ༢ ཀྱི་རིང་ལུ་ སོ་ནམ་གྱི་ ལཱ་འབད་མ་ཚུགས་པར་ ལུས་སོང་ནུག་ཟེར་ བཀོད་འདུག་པའི་གནས་ཚུལ།