ར་ཤི་ཡ་གིས་ དྲག་བཅོམ་འབད་དེ་ ཡུ་ཀེ་རེན་གྱི་ ཞི་བའི་མི་སེར་ ༢༠ དམར་བསད།

རེའུ་ཊརཛ།
སྤྱི་ཟླ་ ༡༠ པའི་ཚེས་ ༡ ལུ་ ཡུ་ཀེ་རེན་གྱི་ ཨེཛ་ཡུ་བི་ཟེར་མི་ ཉེན་སྲུང་ཞབས་ཏོག་གིས་ བཤད་དོ་བཟུམ་འབད་བ་ཅིན་ ར་ཤི་ཡ་དང་ ཡུ་ཀེ་རེན་གྱིས་ དམ་འཛིན་འབད་མི་ ཤར་ཕྱོགས་སྐྱ་ཐལ་ས་ཁོངས་ནང་ མི་སེར་ཚུ་ སྣུམ་འཁོར་ཐོག་ལུ་ རུ་བསྐྱོད་འབད་བའི་བར་ན་ ར་ཤི་ཡ་གིས་ དྲག་བཅོམ་འབད་དེ་ ཞི་བའི་མི་སེར་ ༢༠ དམར་བསད་འབད་ནུག་ཟེར་ཨིན་པས།
དེ་ཡང་ སྤྱི་ཟླ་ ༩ པའི་ནང་ ཡུ་ཀེ་རེན་གྱིས་ ལོག་ལེན་མི་ ཁར་ཀིབ་མངའ་སྡེ་དང་ ར་ཤི་ཡ་གིས་ དབང་བཟུང་འབད་མི་ ལུ་ཧིནཛ་མངའ་སྡེའི་ ས་གནས་སི་ཝ་ཊོབ་ཟེར་སར་ དྲག་བཅོམ་འབད་ཡོདཔ་ཨིན་པས།
དེ་བསྒང་ སྣུམ་འཁོར་ ༧ རུ་སྒྲིག་ཐོག་ལུ་ འགྲུལ་བསྐྱོད་འབད་བའི་བར་ན་ དྲག་བཅོམ་འབད་དེ་ ཞི་བའི་མི་སེར་ཚུ་གི་ སྣུམ་འཁོར་ཚུ་ མེདཔ་བཏང་ཡོདཔ་ད་ ལམ་འགྲུལཔ་ ༢ སྣུམ་འཁོར་ཀར་ནང་ར་ དེད་གཡོག་པའི་ སྡོད་ཁྲི་གུ་ སྒྱིར་འཁོར་ལུ་ ལགཔ་བཤེད་དེ་ ཤི་ཡོདཔ་སྦེ་ མཐོང་ནུག་ཟེརཨིན་པས།
དེ་མ་ཚད་ སྤྱི་ཟླ་ ༩ པའི་ཚེས་ ༢༩ ལུ་ཡང་ ཡུ་ཀེ་རེན་གྱི་ ཤར་ཁ་ཐུག་ལུ་ སྐྱབས་བཅོལ་བ་ཚུ་ རུ་སྒྲིག་ཐོག་ལུ་འགྱོཝ་ད་ ར་ཤི་ཡ་གིས་ དྲག་བཅོམ་འབད་དེ་ ཞི་བའི་མི་སེར་ ༣༠ དེ་ཅིག་ དམཡ་བསད་འབད་ནུག་ཟེར་ བཀོད་འདུག་པའི་གནས་ཚུལ།