རྒྱ་པཱན་བློན་ཆེན་གྱིས་ དཔལ་འབྱོར་གྱི་ དཀའ་ངལ་ལུ་ ཐབས་ཤེས་གསརཔ་ སྟོན་ནི་གི་ཁས་བླངས།

རེའུ་ཊརཛ།
སྤྱི་ཟླ་ ༨ པའི་ཚེས་ ༡༢ ལུ་ རྒྱ་པཱན་གྱི་བློན་ཆེན་ ཕུ་མིའོ་ཀི་ཤི་ད་གིས་ གསུངས་དོ་བཟུམ་འབད་བ་ཅིན་ མར་ཁུ་དང་ བཟའ་འཐུང་གི་ གོང་ཚད་ཚུ་ ཡར་འཕར་འགྱོ་མི་ཚུ་ བསྐྱར་གསོའི་ཐབས་ལམ་གྱི་ རྒྱབ་སྣོན་ཕུལ་དགོཔ་སྦེ་ གསུངས་འོང་ཟེར་ཨིན་པས།
དེ་ཡང་ སྤྱི་ཟླ་ ༨ པའི་ཚེས་ ༡༥ ལུ་ འཚོགས་ནི་ཨིན་མི་ གཞུང་གི་བསླབ་སྟོན་གྲོས་ཚོགས་ཅིག་ནང་ སིལ་ཚོང་རྐྱབ་མི་ཚུ་དང་ བཟའ་ཚང་ཚུ་ལུ་ འཚོ་བའི་གོང་ཚད་ཚུ་ ཡར་སེང་འགྱོ་མིའི་སྐོར་ལས་ གསུང་གྲོས་གནང་སྟེ་ བཀའ་རྒྱ་གཏོན་ནི་ཨིན་པའི་ ཁས་བླངས་ཡང་མཛད་ནུག།
དེ་མ་ཚད་ ནུས་ཤུགས་དང་ བཟའ་འཐུང་གི་ གོང་ཚད་ཡར་འཕར་ འགྱོ་མི་ཚུ་ གློ་བུར་གྱི་ འཚབ་ཆེན་ཅིག་སྦེ་ ངོས་ལེན་མཛད་ཐོག་ལུ་ དཀའ་ངལ་སེལ་ཐབས་འབད་ནི་གི་ བཀའ་རྒྱ་གཏོན་ནི་ཨིན་པའི་སྐོར་ལས་ཡང་ གསུངས་ནུག་ཟེར་ བཀོད་འདུག་པའི་གནས་ཚུལ།