ལ་འོཛ་ལུ་ དུག་རྫས་བླ་བསྲེས་ཀྱི་ ཆང་ལུ་བརྟེན་ཏེ་ བལྟ་བཤལ་པ་ ༦ ལུ་ཤི་རྐྱེན།

བི་བི་སི།
ལ་འོཛ་རྒྱལ་ཁབ་ནང་ བལྟ་བཤལ་པ་ ༦ ལུ་ ཤི་རྐྱེན་བྱུང་མི་དེ་ མེ་ཐ་ནཱོལ་ཟེར་མི་ དུག་རྫས་བླ་བསྲེས་ཀྱི་ ཆང་འཐུང་ནི་དེ་གིས་ཨིན་པའི་ དོགས་པ་ཡོདཔ་ད་ དེ་སྦེ་ ཤི་རྐྱེན་བྱུང་མི་ཚུ་ཡང་ འི བི་རི་ཊེན་དང་ ཨཱཛ་ཊེ་ལི་ཡ་ ཡུ་ཨེཛ་ ཌེན་མཱག་ཚུ་ལས་ཨིན་པས།
མེ་ཐ་ནཱོལ་ཟེར་མི་ དུག་རྫས་དེ་ ཡོངས་གྲགས་ལུ་ ཤར་ལྷོ་ཨེ་ཤི་ཡའི་ ལུང་ཕྱོགས་ནང་དང་ དམིགས་བསལ་གྱིས་ མེ་ཀོང་གཙང་ཆུ་བདའ་སྟེ་ཡོད་མི་ དབུལ་ཕོངས་ཅན་གྱི་ རྒྱལ་ཁབ་ཚུ་ནང་ ལག་ལེན་འཐབ་དོ་ཡོདཔ་ད་ ཤི་རྐྱེན་དེ་གི་སྐོར་ལས་ ལ་འོཛ་ཁྲིམས་སྲུང་འགག་སྡེ་གིས་ ཞིབ་དཔྱད་ཚུ་འབད་དོ་ཡོདཔ་ཨིན་པས།
མེ་ཐ་ནཱོལ་ཟེར་མི་དེ་ བྲོཝ་དང་ ཚོས་གཞི་ ག་ནི་ཡང་མེད་པའི་ དུག་རྫས་ཅིག་ཨིནམ་ལས་ ཆང་ནང་བླུགས་ཡོད་མེད་ ཧ་གོ་ནི་ལུ་ཡང་ ལཱ་ཁག་ཡོདཔ་ད་ གནོད་པ་དེ་ཡང་ འགྲོས་ཀྱིས་སྦེ་ བྱུང་དོ་ཡོདཔ་ཨིན་པས།
ལ་འོཛ་རྒྱལ་ཁབ་དེ་ ཨེ་ཤི་ཡའི་ ལུང་ཕྱོགས་ནང་ གོང་འཕེལ་དམའ་ཤོས་འབད་མི་ རྒྱལ་ཁབ་ཅིག་དང་ མགྲོན་སྐྱོང་ལས་སྡེའི་ནང་ ཁྲིམས་ལུགས་དང་ སྒྲིག་གཞི་ཚུ་ གུ་ཡངས་དྲགས་སྦེ་ཡོདཔ་ལས་ ཆང་རིགས་དེ་ཚུ་ འཇམ་ཏོང་ཏོ་སྦེ་ བཀྲམ་སྤེལ་འབད་ཚུགསཔ་ཨིན་པས་ཟེར་ བཀོད་འདུག་པའི་གནས་ཚུལ།