ཨ་མི་ཀ་གིས་ ཡུ་ཀེ་རེན་ དམག་སྡེའི་དོན་ལུ་ ད་རུང་ཡང་ ཌོ་ལར་ས་ཡ་ ༦༧༥ གི་ དམག་ཆས་གྲོགས་རམ།

ཨེ་བི་སི།
སྤྱི་ཟླ་ ༩ པའི་ཚོས་ ༨ ལུ་ ཨ་མི་ཀའི་ སྲུང་སྐྱོབ་དྲུང་ཆེན་གྱིས་ བཤད་དོ་བཟུམ་འབད་བ་ཅིན་ སྲིད་འཛིན་ཇཱོ་བཱའི་ཌེན་མཆོག་གིས་ ཡུ་ཀེ་རེན་ དམག་སྡེའི་དོན་ལུ་ ད་རུང་ཡང་ ཌོ་ལར་ས་ཡ་ ༦༧༥ དེ་ཅིག་གི་ དམག་ཆས་ཚུ་ གྲོགས་རམ་ཧེང་སྐལ་སྦེ་ བྱིན་ནི་གི་ གནང་བ་གྲོལ་ཡི་ཟེར་ཨིན་པས།
གྲོགས་རམ་དེ་ནང་ གོ་མཚོན་ཚུ་དང་ ནདཔ་སྐྱེལ་འདྲེན་གྱི་ སྣུམ་འཁོར་ཚུ་ དེ་ལས་ སྟོབས་མཚོན་ཚུ་ལུ་ གདོང་ལན་འབད་ནི་གི་ རིམ་ལུགས་ཚུ་གིས་གཙོས་པའི་ དམག་ཆས་ལེ་ཤ་ཅིག་ ཚུདཔ་ཨིན་ཟེར་ སྲུང་སྐྱོབ་དྲུང་ཆེན་གྱིས་ བཤད་ཡོདཔ་ཨིན་པས།
དེ་མ་ཚད་ སྲུང་སྐྱོབ་དྲུང་ཆེན་གྱིས་ ཡུ་ཀེ་རེན་ དམག་མི་ཚུ་གིས་ ཁོང་རའི་རྒྱལ་ཁབ་ཀྱི་ ལྷོ་ཁ་ཐུག་ལུ་ ག་ནི་བ་ གལ་ཅན་ཅིག་ཨིན་མི་ དམག་འཁྲུག་ཟློག་ཐབས་ཀྱི་ ལཱ་འགོ་ཚུ་ཡང་ བཙུགས་ཡོདཔ་ལས་ ཁོང་གི་གྲོགས་རམ་ལུ་བརྟེན་ཏེ་ ཕན་ཐོགས་ཅན་གྱི་ གྲུབ་འབྲས་ཐོན་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།