ཀེ་ན་ཌ་ལུ་ ཀྲོབ་མདའ་འབག་མི་ ཕོ་སྐྱེས་ཅིག་གིས་ མི་ ༢ དམར་བསད།

བི་བི་སི།

སྤྱི་ཟླ་ ༧ པའི་ཚེས་ ༢༦ ལུ་ ཀེ་ན་ཌའི་ ནུབ་ཕྱོགས་མངའ་སྡེ་ བི་རི་ཊིཤ་ ཀོ་ལོམ་བི་ཡ་ལུ་ ཀྲོབ་མདའི་སྤྲོ་སྟོན་ཅིག་ནང་ ཀྲོབ་མདའ་འབག་མི་ ཕོ་སྐྱེས་ཅིག་གིས་ ཀྲོབ་མདའ་རྐྱབ་སྟེ་ མི་ ༢ དམར་བསད་འབད་ཡོདཔ་མ་ཚད་ གཞན་མི་ ༢ ལུ་ཡང་ རྨ་སྐྱོན་བྱུང་ནུག།

དེ་བཟུམ་སྦེ་ དོགས་པ་ཅན་དེ་ཡང་ ཁྲིམས་སྲུང་འགག་སྡེ་གིས་ ས་གནས་དེ་ཁ་ར་ ཀྲོབ་མདའ་རྐྱབ་སྟེ་ བསད་ཡོདཔ་ད་ བྱ་ངན་འབད་མི་དེ་གིས་ ས་གནས་དེ་ཁར་ སྡོད་ཁྱིམ་མེད་མི་ཚུ་ལུ་ དམིགས་གཏད་བསྐྱེད་ཡོད་པའི་ དོགས་པ་ཡོད་ཟེར་ཨིན་པས།

དེ་སྦེ་ རྨ་སྐྱོན་བྱུང་མི་ ཨམ་སྲུ་དེ་ གནས་སྟངས་འཚུབས་དྲགས་ཡོད་མི་དང་ ཀྲོབ་མདའ་རྐང་མར་ཕོག་སྟེ་ རྨ་སྐྱོན་བྱུང་མི་ ཕོ་སྐྱེས་དེ་ཡང་ ལེང་ལེ་རྗེས་དྲན་སྨན་ཁང་ནང་ བསྐྱལ་ནུག་ཟེར་ བཀོད་འདུག་པའི་གནས་ཚུལ།