གསོ་བའི་བློན་པོ་གིས་ ཐིམ་ཕུ་ལུ་ ནད་བརྟག་འཕྲུལ་ཆས་ཚུ་འགོ་འབྱེད། 

སྤྱི་ཟླ་ ༧ པའི་ཚེས་ ༡༩ ལུ་ གསོ་བའི་བློན་པོ་ དྲགོས་བདེ་ཆེན་དབང་མོ་གིས་ ཐིམ་ཕུ་འཇིགས་མེད་རྡོ་རྗེ་དབང་ཕྱུག་ རྒྱལ་ཡོངས་གཙོ་བསྟེན་སྨན་ཁང་ནང་ ནད་གཞི་བད་ཀན་དང་ ཕྲ་འབུབ་ལ་སོགས་པའི་ ནད་རིགས་མ་འདྲཝ་ཚུ་ བརྟག་དཔྱད་འབད་མི་ འཕྲུལ་ཆས་གསརཔ་ལེ་ཤ་ཅིག་ གཞི་བཙུགས་འབད་དེ་ཡོད་མི་ཚུ་ འགོ་འབྱེད་མཛད་ནུག།

དེ་ཡང་ ཧེ་མའི་འཕྲུལ་ཆས་ཚུ་གིས་ ནད་རིགས་བརྟག་དཔྱད་འབདཝ་ད་ དུས་ཡུན་ཆུ་ཚོད་ ༡༨ དང་ ༢༤ གི་བར་ན་ འགོརཝ་ཨིན་རུང་ ད་རེས་ གཞི་བཙུགས་འབད་མི་ ནད་རིགས་བརྟག་དཔྱད་ འཕྲུལ་ཆས་གསརཔ་ཚུ་གིས་ དུས་ཡུན་ཆུ་ཚོད་ ༥ དང་ ༡༠ གྱི་བར་ན་ གྲུབ་འབྲས་འཐོན་ཚུགསཔ་ཨིན་པའི་ གནས་ཚུལ་མདོར་བསྡུས།