ཐིམ་ཕུ་ཀུན་གསལ་ཕོ་བྲང་ནང་སྦེ་ ཞི་བའི་སྦྱིན་སྲེག།

སྒྲོལ་མ་ཡེ་ཤེས།
སྤྱི་ཟླ་ ༩ པའི་ཚེས་ ༡ ལས་ ༣ ཚུན་ ཉིན་གྲངས་ ༣ གྱི་རིང་ལུ་ ཐིམ་ཕུ་ཀུན་གསལ་ཕོ་བྲང་ནང་སྦེ་ ཞི་བའི་སྦྱིན་སྲེག་ གནང་ཡོདཔ་ད་ དེ་ཡང་ ཉིནམ་དང་པའི་ནང་ རྡོ་རྗེ་སློབ་དཔོན་མཆོག་དང་ ཉིནམ་ ༢ པའི་ནང་ ཚོགས་ཀྱི་སློབ་དཔོན་ ཉིནམ་ ༣ པའི་ནང་ གཙུག་ལག་སློབ་དཔོན་མཆོག་ དབུ་བཞུགས་ཐོག་ལུ་ གནང་ཡོདཔ་ཨིན་པས།
འབྲུག་སྦྱིན་སྲེག་ཚོགས་པའི་ འགོ་འདྲེན་ཐོག་ལུ་གནང་མི་ ཞི་བའི་སྦྱིན་སྲེག་དེ་ འདས་པའི་ལོ་ངོ་ ༢ ཀྱི་རིང་ལུ་ ནད་ཡམས་མུ་གེ་དང་ དམག་འཁྲུག་ཚུ་ལུ་བརྟེན་ཏེ་ སྤྱིར་་འཛམ་གླིང་རྒྱལ་ཡོངས་དང་ ལྷག་པར་དུ་ ང་བཅས་རའི་ འབྲུག་རྒྱལ་ཁབ་ནང་ འགྲོ་བ་མི་དང་ དུད་འགྲོ་སེམས་ཅན་ མང་རབས་ཅིག་གི་ ཚེ་སྲོག་ལུ་ བར་ཆད་བྱུང་མི་ཚུ་གི་དོན་ལུ་ཨིན་པས།
དེ་བཟུམ་མའི་ བཅོམ་ལྡན་འདས་ རྒྱལ་བ་མི་བསྐྱོད་པའི་སྒོ་ལས་ ཞི་བའི་སྦྱིན་སྲེག་ གནང་པའི་སྐབས་ལུ་ དད་ཅན་སྐྱེ་བོ་ཕོ་མོ་ཚུ་ སྨོན་བཏབ་ནིའི་དོན་ལུ་ སྤུངས་འཛོམས་འབད་ཡོད་པའི་ གནས་ཚུལ་མདོར་བསྡུས།