བང་ལ་དེཤ་ལུ་ ཆུ་རུད་ལུ་བརྟེན་ཏེ་ མི་སེར་ས་ཡ་ལེ་ཤ་ཅིག་ ས་གནས་གཞན་ཁར་སྤོ་བཤུད།

བི་བི་སི།

བང་ལ་དེཤ་ རྒྱལ་ཁབ་ནང་ ཆར་ཆུ་འབོལ་དྲགས་སྦེ་ རྐྱབ་ནི་དེ་གིས་ མི་སེར་ས་ཡ་ལས་བཅད་དེ་ རང་སོའི་སྡོད་ཁྱིམ་ཚུ་ བཀོག་བཞག་སྟེ་ བྱོག་འགྱོ་དགོཔ་ ཐོན་ཡོདཔ་མ་ཚད་ མི་གྲངས་ ༣༢ ལུ་ཡང་ ཤི་རྐྱེན་བྱུང་ཡོདཔ་ཨིན་པས།

དེ་བཟུམ་སྦེ་ བྱང་ཤར་མངའ་སྡེའི་ནང་ཡང་ ཆུ་རུད་འཐོན་ནི་གི་ ཉེན་ཁ་སྦོམ་སྦེ་ར་ཡོདཔ་ལས་ མི་སེར་ ༣༠༠,༠༠༠ དེ་ཅིག་ སྡོད་གནས་སྤོ་དགོཔ་ ཐོན་པའི་གུ་ མི་སེར་ས་ཡ་ ༤༠༠,༠༠༠ ལྷགཔ་ཅིག་ ཁོང་རའི་ས་ཁོངས་ཀྱི་ ཉེ་འདབས་ལུ་ ཐོགས་ལུས་ཡོདཔ་ཨིན་པས།

དེ་འབདཝ་ལས་ བང་ལ་དེཤ་གི་བློན་ཆེན་ ཤེག་ཧ་སི་ན་གིས་ གནམ་གྲུ་ཧེ་ལི་ཀོབ་ཊར་ནང་སྦེ་ ཆུ་རུད་ཀྱིས་ གནོད་རྐྱེན་བྱུང་མི་ ས་གནས་ཚུ་ནང་ གཟིགས་སྐོར་གནང་ཐོག་ལས་ ས་གནས་གཞུང་གི་ འགོ་དཔོན་ཚུ་དང་ མཇལ་ཕྲད་མཛད་ཡོདཔ་མ་ཚད་ གནོད་རྐྱེན་བྱུང་མི་ཚུའི་དོན་ལུ་ གྲོགས་རམ་གྱི་ འཆར་གཞི་ཚུ་ཡང་ཡོདཔ་ཨིན་པས་ཟེར་ བཀོད་འའདུག་པའི་གནས་ཚུལ།