བཱ་ར་ཟིལ་གྱི་ ཁྲོམ་སྡེ་ཅིག་ནང་ ཁྲིམས་སྲུང་འགག་སྡེ་གིས་ ཧང་བཅོམ་འབདཝ་ད་ མི་གྲངས་ ༡༨ ལུ་ཤི་རྐྱེན།

བི་བི་སི།
སྤྱི་ཟླ་ ༧ པའི་ཚེས་ ༢༢ ལུ་ ཁྲིམས་སྲུང་འགག་སྡེ་གིས་ བཤད་དོ་བཟུམ་འབད་བ་ཅིན་ བཱ་ར་ཟིལ་གྱི་ ཤར་ལྷོ་ཁ་ཐུག་ལུ་ རི་ཡོ་ཌེ་ ཇ་ནེ་རོ་ ཁྲོམ་སྡེའི་ནང་ མི་ངན་སྡེ་ཚན་ཅིག་གིས་ ཁྲིམས་འགལ་ཐོག་ལས་ དབང་བཟུང་འབད་སར་ ཁྲིམས་སྲུང་འགག་སྡེ་གིས་ ཧང་བཅོམ་འབད་བའི་སྐབས་ལུ་ མི་གྲངས་ ༡༨ ལུ་ ཤི་རྐྱེན་བྱུང་ཡི་ཟེར་ཨིན་པས།
དེ་མ་ཚད་ སྤྱི་ཟླ་ ༧ པའི་ཚེས་ ༢༡ ལུ་ བཱ་ར་ཟིལ་གྱི་ས་གནས་ ཨ་ལེ་མ་ཟེར་སར་ཡང་ ཁྲིམས་སྲུང་འགག་སྡེ་ ༤༠༠ དེ་ཅིག་ གོ་མཚོན་འབག་ཐོག་ལུ་ བགོ་བཀྲམ་འབད་མིའི་ནང་ཡང་ མི་གྲངས་ ༡༦ དེ་ཅིག་ལུ་ ཤི་རྐྱེན་བྱུང་མི་ཚུ་ག་ར་ ཁྲིམས་འགལ་འབད་མི་ཚུ་ཨིན་པའི་ དོགས་པ་ཡོད་ཟེར་བཀོད་ནུག།
དེ་བཟུམ་སྦེ་ བྱུང་རྐྱེན་དེ་ནང་ ཁྲིམས་སྲུང་འགོ་དཔོན་ ༡ དང་ ཟུར་ཁ་ལས་ བལྟ་སྡོད་མི་ ༡ ལུ་ཡང་ གནོད་སྐྱོན་བྱུང་ཡོདཔ་ད་ ཁྲིམས་སྲུང་འགག་སྡེ་གིས་ ཉིནམ་ ༡ གི་རིང་ལུ་ ཧང་བཅོམ་འབདཝ་ད་ མི་སེར་སྟོང་ཕྲག་ལས་བཅད་དེ་ ཁོང་རའི་ཁྱིམ་ནང་ ཐོགས་ལུས་སོང་ནུག་ཟེར་ བཀོད་འདུག་པའི་གནས་ཚུལ།