མ་ཡན་མར་གྱི་ འགོ་ཁྲིདཔ་བགྲེསཔ་ ཨམ་ཨང་སན་སུ་ཀི་དེ་ དམ་བཙོན་ནང་སྤོ་བཤུད།

བི་བི་སི།

མ་ཡན་མར་གྱི་ འགོ་ཁྲིདཔ་བགྲེསཔ་ ཨམ་ཨང་སན་སུ་ཀི་དེ་ མ་ཡན་མར་ རྒྱལ་སའི་བཙོན་ཁང་ ནེ་པི་ཏའུ་ཟེར་སར་ སྤོ་བཤུད་འབད་ཡོདཔ་ད་ དེ་གི་ཧེ་མར་ གསང་བའི་ས་ཁོངས་ཅིག་ནང་ དམ་བཙོན་ཐོག་ལུ་ བཞག་ཡོདཔ་ཨིན་པས།

འཛམ་གླིང་ཞི་བདེའི་ གཟེངས་རྟགས་ཐོབ་མི་ སྐྱེས་ལོ་ ༧༧ འབད་མི་ ཨམ་སུ་ཀི་དེ་ དམངས་གཙོའི་རིང་ལུགས་ནང་ བཙག་འཐུ་གྲུབ་པའི་ཤུལ་ལུ་ སྤྱི་ལོ་ ༢༠༢༡ སྤྱི་ཟླ་ ༢ པའི་ནང་ དམག་སྡེ་གིས་ གཞུང་དབང་བཙན་འཕྲོག་ཐོག་ལས་ ཕྱིར་བཏོན་འབད་ནུག།

མ་གཞི་ ཨམ་སུ་ཀི་དེ་ལུ་ ལོ་ངོ་ ༡༡ གི་ ཉེས་ཁྲིམས་ཕོག་པའི་ཁར་ ཉེས་འཛུགས་གཞན་ཡང་ ལེ་ཤ་ཅིག་ར་ བཀལ་ཡོད་རུང་ མོ་གིས་ ངོས་ལེན་འབད་མ་བཏུབ་ནི་དེ་གིས་ བཙོན་ཁང་ནང་ལས་སྦེ་ དམིགས་བསལ་ཁྲིམས་ཀྱི་འདུན་སར་ མཐོ་གཏུགས་འབད་ནི་ཨིནཔས།

དམག་སྡེ་གཞུང་གིས་ གསལ་བཤད་མདོར་བསྡུས་ཅིག་ གསར་བཏོན་འབད་མིའི་ནང་ མཐོ་གཏུགས་ཀྱི་ཐད་ཁར་ མ་ཡན་མར་ ནག་ཅན་ཁྲིམས་ལུགས་དང་ འཁྲིལ་དགོ་ཟེར་བཀོད་ནུག།

དྲང་བདེན་སྡེ་ཚན་གིས་ ཁྲིམས་འདུན་ལས་ དེ་བཟུམ་མའི་ འཁྲུན་ཆོད་གནང་མི་དེ་ ངོ་ཚ་བའི་ གཞི་ཅིག་ལུ་ གྱུར་ཡོད་མི་དེ་ཡང་ རྩོད་བཤེར་སྐབས་ལུ་ ཁྲིམས་ཁང་ནང་ མི་མང་འཛུལ་ཞུགས་འབད་མ་བཅུག་པའི་ཁར་ ཨམ་ཨང་སན་སུ་ཀིའི་ ཁྲིམས་རྩོདཔ་ཚུ་གིས་ཡང་ བརྡ་བརྒྱུདཔ་ཚུ་ལུ་ སླབ་མ་ཆོགཔ་སྦེ་ བཀག་དམ་འབད་ནུག་ཟེར་ བཀོད་འདུག་པའི་གནས་ཚུལ།