མི་དབང་མངའ་བདག་རིན་པོ་ཆེ་མཆོག་གིས་ ལྷན་རྒྱས་གཞུང་ཚོགས་ཀྱི་ དྲུང་ཆེན་དང་ རྫོང་བདག་ ༥ གསར་བསྐོས་ཐོག་ལུ་ བཀྲིས་ལེགས་དར།

སྤྱི་ཟླ་ ༡༠ པའི་ཚེས་ ༡༢ ལུ་ མི་དབང་མངའ་བདག་རིན་པོ་ཆེ་མཆོག་གིས་ ལྷན་རྒྱས་གཞུང་ཚོགས་ཀྱི་ དྲུང་ཆེན་དང་ བཀྲིས་སྒང་དང་ མོང་སྒར་ དར་དཀར་ནང་ བུམ་ཐང་ རྩི་རང་རྫོང་ཁག་གི་ རྫོང་བདག་ཚུ་ བསྐོ་བཞག་ཐོག་ལུ་ བཀྲིས་ལེགས་དར་གནང་ཡི།

དེ་ཡང་ དངུལ་རྩིས་དྲུང་ཆེན་ སྐལ་བཟང་བདེ་སྐྱིད་དེ་ ལྷན་རྒྱས་གཞུང་ཚོགས་ཀྱི་ དྲུང་ཆེན་སྦེ་ གསར་བསྐོས་གནང་ཡོདཔ་ད་ མཉམ་འབྲེལ་རྩིས་ཞིབ་ཡོངས་ཁྱབ་ ཨྱོན་རྡོ་རྗེ་དེ་ བཀྲིས་སྒང་རྫོང་བདག་དང་ ཕུན་ཚོགས་གླིང་ཁྲོམ་སྡེའི་ བཀོད་ཁྱབ་དྲུང་ཆེན་ ལུང་བསྟན་རྒྱ་མཚོ་དེ་ མོང་སྒར་རྫོང་བདག་ རྩིས་ཞིབ་ཡོངས་ཁྱབ་འོགམ་ བཀྲིས་སྟོབས་རྒྱས་དེ་ དར་དཀར་ནང་རྫོང་བདག་ དེ་ལས་ སོ་ནམས་དང་ ནགས་ཚལ་ལྷན་ཁག་ སྒོ་ནོར་ལས་ཁུངས་ཀྱི་ མཁས་མཆོག་འགོ་འཛིན་ ༣ པ་ རཱད་ན་བྷ་དུར་ གུ་རུང་དེ་ བུམ་ཐང་རྫོང་བདག་དང་ སོ་ནམས་དང་ ནགས་ཚལ་ལྷན་ཁག་ སྒོ་ནོར་ལས་ཁུངས་ཀྱི་ མཁས་མཆོག་འགོ་འཛིན་ ༣ པ་ བསོད་ནམས་དེ་ རྩི་རང་རྫོང་བདག་སྦེ་ གསར་བསྐོས་གནང་འདུག་པའི་གནས་ཚུལ།