མི་དབང་མཆོག་གིས་ རྒྱ་གར་གྱི་ བློན་ཆེན་དང་མཇལ་ཕྲད།

རྡོ་རྗེ་དབང་ཕྱུག།
སྤྱི་ཟླ་ ༩ པའི་ཚེས་ ༡༤ ལུ་ མི་དབང་མངའ་བདག་རིན་པོ་ཆེ་མཆོག་ རྒྱ་གར་དྷི་ལི་ལུ་ ཆིབས་བསྐྱོད་གནང་ཐོག་ལས་ རྒྱ་གར་གྱི་བློན་ཆེན་ ན་རེན་ད་ར་ མོ་དི་དང་ མཇལ་ཕྲད་མཛད་གནང་ཡོདཔ་ད་ དེ་ཡང་ མི་དབང་མངའ་ཞབས་མཆོག་ བློན་ཆེན་མོ་དི་གིས་ ལོག་ཀ་ལི་ཡན་མཱག་ གཞུང་འབྲེལ་གཟིམ་ཅུང་ནང་སྦེ་ ཕེབས་བསུ་ཞུ་ནུག།
དེ་བསྒང་ མི་དབང་ཞབས་དང་ བློན་ཆེན་མོ་དིའི་བར་ན་ རྒྱལ་ཁབ་ཕན་ཚུན་ ༢ ལུ་ཕན་པའི་ གནད་དོན་ཚུ་གི་སྐོར་ལས་ གསུང་གྲོས་གནང་ཡོདཔ་མ་ཚད་ ཧེ་མ་ལས་ མིག་དཔེར་ཡོད་པའི་ རྒྱ་འབྲུག་ ༢ ཀྱི་ མཐུན་ལམ་དང་ ཆ་རོགས་ཀྱི་ འདུ་ཤེས་འདི་ ལྷག་པར་དུ་ དམ་གཟབ་དང་ རྩ་བརྟན་བཟོ་ནིའི་དོན་ལུ་ ཡང་བསྐྱར་དུ་ ཁས་ལེན་ཡང་ མཛད་ཡོདཔ་ཨིན་པས།
མི་དབང་མངའ་ཞབས་མཆོག་ དྷི་ལི་ལུ་བཞུགསཔ་ད་ རྒྱ་གར་གྱི་ ཕྱི་འབྲེལ་དྲུང་ཆེན་དང་ ཆེ་མཐོའི་འགོ་དཔོན་ཚུ་དང་ཡང་ མཇལ་ཕྲད་མཛད་གནང་ནུག།
མི་དབང་ཞབས་དང་ མི་དབང་རྒྱལ་བཙུན་མཆོག་ ཡུ་ནའི་ཊེཊ་ ཀིང་ཌོམ་གྱི་ མི་དབང་རྒྱལམོ་ ཨི་ལི་ཟ་བེཐ་ ༢ པ་གཤགས་མིའི་ གཞུང་འབྲེལ་པུར་སྦྱང་ལུ་ གྲལ་གཏོགས་ཀྱི་དོན་ལས་ ཆིབས་སྐྱོད་གནང་ཡོད་པའི་གནས་ཚུལ།