ཡུ་ཀེ་རེན་གྱི་ དམག་འཁྲུག་ལུ་བརྟེན་ཏེ་ དཔལ་འབྱོར་ཚུ་ མར་ཉམས་སྦོམ་འགྱོ་བའི་ཉེན་ཁ།

བི་བི་སི།
འཛམ་གླིང་རྒྱལ་ཁབ་ག་རའི་ནང་ ནད་ཡམས་ཀོ་ཝིཌ་གིས་ ཚོང་དང་ དཔལ་འབྱོར་ལུ་ ཐོ་སྦོམ་སྦེ་ར་ ཕོག་སྟེ་ཡོད་པའི་ཁར་ ད་རེས་ནངས་པར་ ཡུ་ཀེ་རེན་གྱི་ དམག་འཁྲུག་ལུ་བརྟེན་ཏེ་ ཧེང་སྐལ་ར་ མར་ཉམས་འགྱོ་བའི་ ཉེན་ཁ་ཡོད་ཟེར་ འཛམ་གླིང་དངུལ་ཁང་གིས་ ཉེན་བརྡ་འབདཝ་ཨིན་པས།
དེ་མ་ཚད་ གོང་འཕེལ་ཉུང་སུ་ལས་ མ་འགྱོ་མི་ ཡུ་རོབ་ཀྱི་ རྒྱལ་ཁབ་ཚུ་དང་ ཤར་ཨེ་ཤི་ཡའི་ རྒྱལ་ཁབ་ཚུ་གི་ནང་ཡང་ ཚོང་དང་ དཔལ་འབྱོར་ལུ་ གདོང་ལན་སྦོམ་སྦེ་ར་ འབྱུང་ཡོདཔ་སྦེ་བཤད་ནུག།
འཛམ་གླིང་དངུལ་ཁང་གི་གཙོ་འཛིན་ ཌེ་ཝིཌ་མཱལ་པཱཛ་གིས་ སྤྱིར་དཔལ་འབྱོར་གྱི་ གོང་ཚད་ཚུ་ ཡར་འཕར་འགྱོ་ནི་གི་ ཉེན་ཁ་དང་ ལྷག་པར་དུ་ གོང་འཕེལ་ཉུང་སུ་འགྱོ་མི་ རྒྱལ་ཁབ་ཚུ་ལུ་ ཉེན་ཁ་ཆེ་སུ་ཡོདཔ་སྦེ་ བཤད་ཡོད་པའི་ཁར་ འཛམ་གླིང་ནང་ ནུས་ཤུགས་དང་ བཟའ་འཐུང་གི་ གོང་ཚད་ཡང་ ཡར་འཕར་འགྱོ་དོ་ཡོད་པའི་སྐོར་ལས་ བཤད་ཡོདཔ་ཨིན་པས།
སྤྱི་ཟླ་ ༦ པའི་ཚེས་ ༧ ལུ་ འཛམ་གླིང་དངུལ་ཁང་གིས་ ཡུ་ཀེ་རེན་ལུ་ ཡུ་ཨེཛ་ཌོ་ལར་ བྱེ་བ་ ༡.༤༩ ལྷན་ཐབས་མ་དངུལ་སྦེ་ བྱིན་མི་དེ་ གླ་ཆ་དང་ མི་སྡེའི་ལཱ་གཡོགཔ་ཚུ་གི་དོན་ལས་ཨིན་པས།
དེ་མ་ཚད་ ཡུ་ཨེཛ་ཌོ་ལར་ བྱེ་བ་ ༤ རྒྱབ་སྐྱོར་མ་དངུལ་སྦེ་ བྱིན་མི་དེ་ ཡུ་ཀེ་རེན་ རྒྱལ་ཁབ་ནང་ འཕྲོད་བསྟེན་རྩིས་ཏེ་ ཤེས་རིག་དང་ གཙང་སྦྲ་ཚུའི་དོན་ལུ་ ཟད་འགྲོ་གཏང་ནི་ཨིན་པས་ཟེར་ བཀོད་འདུག་པའི་གནས་ཚུལ།