ཡུ་ཀེ་རེན་གྱི་ དམག་འཁྲུག་ནང་ ཉིན་བསྟར་བཞིན་དུ་ དམག་མི་ ༢༠༠ དེ་རེ་གི་ ཚེ་སྲོག་བྱང་སྟོར།

བི་བི་སི།
ར་ཤི་ཡའི་ དམག་མི་ཚུ་གིས་ ཉིན་བསྟར་བཞིན་དུ་ ཡུ་ཀེ་རེན་གྱི་ དམག་མི་ ༡༠༠ ལས་ ༢༠༠ གི་བར་ན་ དམར་བསད་འབད་དོ་ཡོདཔ་ལས་ ཡུ་ཀེ་རེན་གྱི་ ཌཱོན་བཱཛ་མངའ་སྡེའི་ནང་ ར་ཤི་ཡ་དང་གཅིག་ཁར་ འདྲ་མཉམ་སྦེ་ དོ་འགྲན་འབད་ནིའི་དོན་ལུ་ འཛམ་གླིང་ནུབ་ཕྱོགས་ཀྱི་ ཁ་ཐུག་ལས་ ཨར་ཊི་ལ་རི་ཟེར་མི་ སྒྱོགས་མཚོན་བརྒྱ་ཕྲག་སྦེ་ དགོས་མཁོ་ཡོད་ལུགས་ཀྱི་སྐོར་ལས་ བཤད་ཡོདཔ་ཨིན་པས།
དེ་མ་ཚད་ ཡུ་ཀེ་རེན་གྱི་ ཁ་ཐུག་ལས་ ར་ཤི་ཡ་དང་མཉམ་ཅིག་ ཞི་བདེའི་གསུང་གྲོས་གནང་ནི་ལུ་ གྲ་སྒྲིག་མེད་པའི་ཁར་ ར་ཤི་ཡའི་དམག་མི་ཚུ་གིས་ ཌཱོན་བཱཛ་མངའ་སྡེ་དེ་ ཧྲིལ་བུར་སྦེ་ར་ བཙན་དབང་འབད་ནི་གི་ དཔའ་བཅམ་མི་དང་འབྲེལ་ཏེ་ ཡུ་ཀེ་རེན་གྱི་ དམག་མི་ཚུ་ ར་ཤི་ཡའི་ དམག་མི་ཚུ་གིས་ བག་ཟོན་མེད་པར་ མཚོན་ཆའི་འོག་ལུ་ བསད་དོ་ཡོདཔ་ཨིན་པས།
དེ་མ་ཚད་ ར་ཤི་ཡ་དང་ དོ་འགྲན་འབད་ནིའི་དོན་ལུ་ རོ་ཀེཊ་ ༡༥༠ ལས་ ༣༠༠ གི་བར་ན་ཡང་ དགོས་མཁོ་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།