ཡུ་ཀེ་རེན་གྱི་ སྲིད་འཛིན་གྱིས་ ར་ཤི་ཡ་ལུ་ དྲང་བདེན་གྱི་ ཉེས་ཁྲིམས་བཀལ་དགོ་པའི་ ཞུ་བ་ཕུལ་ཡོདཔ།

བི་བི་སི།

ཡུ་ཀེ་རེན་གྱི་སྲིད་འཛིན་ ཟེ་ལེནཛ་ཀི་གིས་ ནིའུ་ཡོག་ལུ་ འཚོགས་པའི་བསྒང་ཡོད་མི་ འཛམ་གླིང་སྤྱི་ཚོགས་ཀྱི་ ཡོངས་ཁྱབ་ཚོགས་འདུའི་ནང་ བརྙན་འཕྲུལ་ཐོག་ལས་ གསལ་བཤད་ཞུ་ནིའི་དོན་ལས་ འཐུས་མི་རྒྱལ་ཁབ་ ༧ གྱིས་ ངོས་ལེན་མ་འབད་རུང་ ཚོགས་འདུའི་ནང་ལས་ གོ་སྐབས་གནང་ཡོདཔ་ཨིན་པས།

དེ་བསྒང་ སྲིད་འཛིན་ཟེ་ལེནཛ་ཀི་གིས་ ར་ཤི་ཡ་གིས་ ཡུ་ཀེ་རེན་ལུ་ བཙན་གནོན་འབད་མི་ལུ་ ཉེས་བྱ་བཀལ་དགོ་པའི་ཁར་ དམག་འཁྲུག་ནང་ ཁྲིམས་འགལ་ཀྱི་ བྱ་ངན་འབད་མི་ལུ་ཡང་ དབྱེ་ཞིབ་མཐིལ་ཕྱིན་འབད་ཐབས་ལུ་ འཛམ་གླིང་སྤྱི་ཚོགས་ཀྱི་ཧོངས་ལས་ དམིགས་བསལ་གྱི་ ཁྲིམས་ཞིབ་ཚོགས་པ་ཅིག་ཡང་ གཞི་བཙུགས་གནང་དགོ་པའི་ ཞུ་བ་ཕུལ་ནུག།

དེ་མ་ཚད་ དམག་རྒྱབ་ཁ་སྐོང་དང་སྦྲགས་ཏེ་ ཞི་བདེའི་ཐབས་ཤེས་ཚུ་ཡང་ སྟོན་གནང་དགོ་པའི་སྐོར་ལས་ ཞུ་བ་ཕུལ་མི་ལུ་ ཚོགས་འདུའི་ནང་ བཅའ་མར་གཏོགས་མི་ འཐུས་མི་ལེ་ཤ་ཅིག་ ཡར་བཞེངས་ཏེ་ ལེགས་སོ་དང་ ཆེད་བསྟོད་མཛད་ནུག་ཟེར་ བཀོད་འདུག་པའི་གནས་ཚུལ།