ཡུ་ཨེཛ་དང་ རྒྱ་ནག་གི་ སྲིད་འཛིན་ ༢ ཀྱི་བར་ན་ ཏཱ་ཡེ་ཝཱན་གྱི་སྐོར་ལས་ གཅིག་གིས་གཅིག་ལུ་ཉེན་བརྡ།

བི་བི་སི།
ཡུ་ཨེཛ་དང་ རྒྱ་ནག་གི་ དབུ་ཁྲིད་ ༢ ཀྱི་བར་ན་ ཏཱ་ཡེ་ཝཱན་གྱི་སྐོར་ལས་ བརྒྱུད་འཕྲིན་ཐོག་ལུ་ དུས་ཡུན་ཆུ་ཚོད་ ༢ དེ་ཅིག་ གཅིག་གིས་གཅིག་ལུ་ ཉེན་བརྡའི་གསུང་གྲོས་གནང་ནུག།
དེ་བསྒང་ ཡུ་ཨེཛ་གི་སྲིད་འཛིན་ ཇཱོ་བཱ་ཡེ་ཌེན་གྱིས་ མཚོ་གླིང་རྒྱལ་ཁབ་ ཏཱ་ཡེ་ཝཱན་གྱི་ གནས་སྟངས་དེ་ བསྒྱུར་བཅོས་འབད་ནི་ལུ་ རྒྱབ་འགལ་སྦོམ་ཡོདཔ་མ་ཚད་ ཡུ་ཨེཛ་གི་ སྲིད་བྱུས་ཡང་ ཏཱ་ཡེ་ཝཱན་དེ་ བསྒྱུར་བཅོས་མེད་པར་ བཞག་ནི་སྦེ་ཨིན་ཟེར་ གསུངས་ཡོདཔ་ཨིན་པས།
རྒྱ་ནག་གི་སྲིད་འཛིན་ ཛི་ཇིན་པིང་གིས་ རྒྱ་ནག་གི་ རྣམ་གཞག་གཅིག་ལུ་ དཀྲོགས་ཏེ་འབད་བ་ཅིན་ མེ་གུ་རྩེདམོ་རྩེཝ་ད་ འཚིགས་དོ་བཟུམ་ཅིག་ཨིན་པའི་ ཉེན་བརྡ་མཛད་ནུག།
དེ་འབདཝ་ལས་ ཡུ་ཨེཛ་ཚོགས་འདུའི་ ཚོགས་དཔོན་ནེན་སི་ པོ་ལི་སི་གིས་ ཏཱ་ཡེ་ཝཱན་ལུ་ གཟིགས་སྐོར་གནང་ནི་གི་ འཆར་གཞི་ཡོད་མི་ལུ་ ཉེན་ཁ་ཧེང་སྐལ་ར་ འབྱུང་ནི་ཨིན་པས་ཟེར་ བཀོད་འདུག་པའི་གནས་ཚུལ།