ཡུ་ཨེཛ་རྒྱལ་ཁབ་ནང་ ཨ་ལོ་ཆུང་ཀུ་ ༢ ལུ་ ནད་ཡམས་མོང་ཀི་པོགཛ་ འགོ་དང་པ་ ཐོབ་ཡོད་པའི་ངོས་འཛིན།

བི་བི་སི།
སྤྱི་ཟླ་ ༧ པའི་ཚེས་ ༢༢ ལུ་ ཡུ་ཨེཛ་རྒྱལ་ཁབ་ནང་ ཨ་ལོ་ཆུང་ཀུ་ ༢ ལུ་ མོང་ཀི་པོགཛ་ཟེར་མི་ ནད་ཡམས་དེ་ འགོ་དང་པ་ ཐོབ་ཡོད་པའི་ ངོས་འཛིན་བྱུང་ཡི་ཟེར་ གསོ་བའི་དབང་འཛིན་ཚུ་གིས་ བཤད་ཡོདཔ་ཨིན་པས།
དེ་ཡང་ ཀོ་ལི་ཕོར་ནི་ཡ་ལུ་ ལམ་འགྱོ་ནི་ འགོ་བཙུགས་མི་ ཨ་ལོ་ཆུང་ཀུ་ཅིག་དང་ ཨ་ལོ་གཞན་མི་དེ་ ཝ་ཤིང་ཊཱོན་ ས་ཁོངས་ནང་ རྒྱུན་འགྲུལ་འཐབ་མི་ ཡུ་ཨེཛ་གི་ མི་ཁུངས་མིན་མི་ཅིག་ཨིནམ་ད་ དེ་བཟུམ་མའི་ ནད་ཡམས་ཐོབ་མི་ ཨ་ལོ་གཉིས་ཆ་ར་ གནས་སྟངས་ལེགས་ཤོམ་སྦེ་ར་ཡོད་ཟེར་ཨིན་པས།
ནད་ཡམས་དེ་ ཚ་རིམས་ཀྱི་ ནད་རྟགས་བཟུམ་ཅིག་དང་ པགས་ཀོ་གུ་ རྨ་ཐོནམ་ལ་སོགས་པའི་ཐོག་ལས་ དར་ཁྱབ་སྦོམ་སྦེ་ར་ འགྱོ་དོ་ཡོདཔ་ད་ དེ་ཡང་ གཙོ་བོ་ར་ ཨཕ་རི་ཀའི་ དབུས་ཕྱོགས་རྒྱལ་ཁབ་ཚུ་ནང་ ཕོ་སྐྱེས་ཚུ་གི་ ནང་འཁོད་ལུ་ ལུས་འབྲེལ་འབད་ནི་དེ་གིས་ དར་ཁྱབ་སོང་ཡོདཔ་སྦེ་བཀོད་ནུག།
དེ་བཟུམ་མའི་ ནད་ཡམས་དེ་ ལོ་འདི་ནང་ར་ རྒྱལ་ཁབ་ ༦༠ ལྷགཔ་ཅིག་གི་ནང་ མི་གྲངས་ ༡༤,༠༠༠ དེ་ཅིག་ལུ་ ཐོབ་ཡོདཔ་མ་ཚད་ ཨཕ་རི་ཀའི་ རྒྱལ་ཁབ་ནང་ མི་གྲངས་ ༥ ལུ་ ཤི་རྐྱེན་ཡང་ བྱུང་ནུག་ཟེར་ བཀོད་འདུག་པའི་གནས་ཚུལ།