ར་ཤི་ཡ་གིས་ ཡུ་ཀེ་རེན་གྱི་ ལུང་ཕྱོགས་ ༤ ཁོང་གི་འོག་ལུ་ བཙུགས་ནི་འབད་མི་ལུ་ འཛམ་གླིང་སྤྱི་ཚོགས་ཀྱི་ ཡོངས་ཁྱབ་ཚོགས་འདུའི་ལས་ ངོས་ལེན་མེདཔ།

བི་བི་སི།
འཛམ་གླིང་སྤྱི་ཚོགས་ཀྱི་ ཡོངས་ཁྱབ་ཚོགས་འདུའི་ནང་ལས་ ར་ཤི་ཡ་གིས་ ཡུ་ཀེ་རེན་གྱི་ ལུང་ཕྱོགས་ ༤ ཁོང་གི་མངའ་འོག་ལུ་ ཚུདཔ་ཨིན་ཟེར་ སླབ་མི་དེ་ ངོས་ལེན་མེདཔ་སྦེ་ འཐུས་མི་ཡོངས་ཀྱིས་ ཚོགས་རྒྱན་བསྐྱུར་ནུག།
དེ་ཡང་ རྒྱལ་ཁབ་ ༡༤༣ དང་ མངའ་སྡེ་ ༣༥ གིས་ ངོས་ལེན་མེད་པའི་ ཚོགས་རྒྱན་བསྐྱུར་ཡོད་རུང་ རྒྱ་ནག་དང་ རྒྱ་གར་ ༢ ཀྱིས་ འཛེམ་སྡོད་ཡོདཔ་ད་ བེ་ལ་རུཛ་དང་ བྱང་ཀོ་རི་ཡ་ སི་རི་ཡ་ ནི་ཀ་ར་གུ་ཝ་ རྒྱལ་ཁབ་ ༤ གིས་ ཚོགས་རྒྱན་མ་བསྐྱུར་བར་ ཟུར་ཁར་ཐོན་ཏེ་ སྡོད་ཡོདཔ་ཨིན་པས།
ར་ཤི་ཡ་གིས་ ཡུ་ཀེ་རེན་གྱི་ རྒྱལ་ཁབ་འཕྱོག་ནི་ འགོ་བཙུགས་ཞིནམ་ལས་ཚུར་ ད་ཚུན་གྱི་རིང་ལུ་ ར་ཤི་ཡའི་ རྒྱབ་འགལ་ལུ་ ཚོགས་རྒྱན་བསྐྱུར་མི་དེ་ མཐོ་ཤོས་ཅིག་ཨིནམ་མ་ཚད་ ར་ཤི་ཡ་གིས་ ར་ཁུངས་མེད་པར་ ཡུ་ཀེ་རེན་གྱི་ ལུང་ཕྱོགས་ ༤ ཁོང་གི་མངའ་འོག་ལུ་ ཚུདཔ་ཨིན་ཟེར་ སླབ་མི་དེ་ལུ་ཡང་ ངོ་ཚ་དགོཔ་ཅིག་ཨིནམ་སྦེ་ འཐུས་མི་ཚུ་གིས་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།