རྒྱ་གར་གྱི་མངའ་སྡེ་ ཧི་མ་ཅཱལ་པར་དེཤ་ལུ་ ཆུ་རུད་དང་ ས་རུད་ཀྱིས་ མི་ ༦ ལུ་ཤི་རྐྱེན།

ཨེན་ཌི་ཊི་ཝི།
སྤྱི་ཟླ་ ༨ པའི་ཚེས་ ༢༠ ལུ་ རྒྱ་གར་ཧི་མ་ཅཱལ་ པར་དེཤ་མངའ་སྡེའི་ནང་ ཆརཔ་མ་ཆད་པར་ རྐྱབ་ནི་དེ་གིས་ ཆུ་རུད་དང་ ས་རུད་ཐོན་ཏེ་ མི་གྲངས་ ༦ ལུ་ ཤི་རྐྱེན་བྱུང་ཡོདཔ་མ་ཚད་ གཞན་མི་ ༡༣ ཡང་ ཤི་སོངཔ་བཟུམ་ཅིག་འདུག་ཟེར་ཨིན་པས།
ཨིན་རུང་ མངའ་སྡེ་དེ་གི་ ཧ་མི་པུར་རྫོང་ཁག་ནང་ མི་གྲངས་ ༢༢ དེ་ཅིག་ ཆུ་རུད་དང་ ས་རུད་ཀྱི་ རྐྱེན་ངན་ནང་ལས་ སྲོག་སྐྱབས་འབད་ཚུགས་ཅི་ཟེར་ ཧི་མ་ཅཱལ་པར་དེཤ་མངའ་སྡེའི་ དབང་འཛིན་འགོ་དཔོན་ཚུ་གིས་ བཤད་ཡོདཔ་ཨིན་པས།
དེ་མ་ཚད་ ཅམ་བཱ་རྫོང་ཁག་ནང་ཡང་ ས་རུད་ཀྱིས་ སྡོད་ཁྱིམ་འཕྱག་བདའ་ཡོདཔ་ལས་ མི་གྲངས་ ༣ དེ་ཅིག་ལུ་ ཤི་རྐྱེན་བྱུང་ཡོདཔ་སྦེ་ དབང་འཛིན་འགོ་དཔོན་ཚུ་གིས་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།