རྒྱ་ནག་གི་ མཚོ་འགྲམ་ཁྲོམ་སྡེ་ཅིག་ནང་ ནད་ཡམས་ཀོ་ཝིཌ་ལུ་བརྟེན་ཏེ་ འགྲོ་འགྲུལ་བཀག་དམ་འབད་ཡོདཔ་ལས་ བལྟ་བཤལཔ་ཚུ་ ཐོགས་ལུས་ཡོདཔ།

བི་བི་སི།

རྒྱ་ནག་གི་ མཚོ་འགྲམ་ཁྲོམ་སྡེ་ཅིག་ནང་ ནད་ཡམས་ཀོ་ཝིཌ་དེ་ གློ་བུར་དུ་ཡར་འཕར་སོང་སྟེ་ འགྲོ་འགྲུལ་བཀག་དམ་འབདཝ་ལས་ བལྟ་བཤལཔ་ ༢,༠༠༠ ལྷགཔ་ཅིག་ ཐོགས་ལུས་ཡོདཔ་ཨིན་པས།

དེ་བཟུམ་སྦེ་ བེ་ཧའི་ཁྲོམ་སྡེ་ནང་ཡང་ འགྲོ་འགྲུལ་བཀག་དམ་འབད་ཡོདཔ་ལས་ ཁྲོམ་སྡེ་དེ་ནང་ མི་རློབས་ས་ཡ་ ༡.༩ ཡོད་མི་ཚུ་ག་ར་གིས་ ནད་ཡམས་ཀོ་ཝིཌ་ བརྟག་དཔྱད་འབད་དགོཔ་སྦེ་ འགོ་དཔོན་ཚུ་གིས་ བཀོད་རྒྱ་བྱིན་ནུག།

དེ་ཡང་ རྒྱ་ནག་གིས་ ནད་ཡམས་ཀོ་ཝིཌ་དེ་ རྩ་མེད་གཏང་ནི་གི་ སྲིད་བྱུས་ཡོད་མི་དེ་ལུ་ གནོད་ཉེན་ཆེ་ནི་ཨིན་པའི་ ཚ་གྱང་ལང་མི་ལུ་བརྟེན་ཏེ་ འགྲོ་འགྲུལ་བཀག་དམ་འབད་ཡོདཔ་ཨིན་པས།

ད་རུང་ བེ་ཧའི་ས་གནས་གཞུང་གིས་ སླབ་མི་དང་འཁྲིལཝ་ད་ ནད་ཡམས་ཀོ་ཝིཌ་ཐོབ་མི་ཚུ་དང་གཅིག་ཁར་ འབྲེལ་བ་མ་འཐབ་མི་དང་ ཉེན་ཁ་ཆེ་བའི་ ས་ཁོངས་ནང་སོང་སྟེ་ བརྟག་དཔྱད་འབད་མི་ བལྟ་བཤལཔ་ཚུ་ ནད་ཡམས་ཀོ་ཝིཌ་ མ་ཐོབ་པའི་ རྟགས་མཚན་བྱུང་མི་ཚུ་ ལོག་གཏང་ནི་ཨིན་ཟེར་ སླབ་ཡོད་རུང་ བལྟ་བཤལཔ་གཞན་མི་ཚུ་ ས་གནས་དེ་ཁ་ར་ ཟུར་བཞག་ནང་ སྡོད་དགོ་ནི་ཨིན་པས་ཟེར་ བཀོད་འདུག་པའི་གནས་ཚུལ།