རྒྱ་ནག་གི་ ལྷོ་ཕྱོགས་རྒྱ་མཚོའི་ནང་ རླུང་འཚུབ་དྲག་པོ་ཅིག་གིས་ ཆུ་གྲུ་དྲ་དུམ་ ༢ ལུ་ ཕྱལ་བཏང་ཡོདཔ་ལས་ ལས་བྱེདཔ་ཚུ་བྱང་སྟོར།

ཨེན་ཌི་ཊི་ཝི།
སྤྱི་ཟླ་ ༧ པའི་ཚེས་ ༢ ལུ་ རྒྱ་ནག་གི་ ལྷོ་ཕྱོགས་རྒྱ་མཚོའི་ནང་ རླུང་འཚུབ་དྲག་པོ་ཅིག་འཕུ་སྟེ་ ཆུ་གྲུ་དྲ་དུམ་ ༢ ལུ་ ཕྱལ་བཏང་ཡོདཔ་ལས་ གྲུ་དེ་ནང་ ལཱ་འབད་མི་ ༣༠ དེ་ཅིག་ ག་དེ་སྦེ་ཡོདཔ་ཨིན་ན་ ཧ་གོ་མ་ཚུགས་པར་ཡོདཔ་ཨིན་པས།
ཨིན་རུང་ ཧོང་ཀོང་གཞུང་གི་ ཁ་ཐུག་ལས་ གནམ་གྲུ་ཧེ་ལི་ཀོབ་ཊར་ཚུ་བཏང་སྟེ་ འཚོལ་ཞིབ་འབད་ཡོདཔ་བཞིན་དུ་ མི་གྲངས་ ༣ སྲོག་སྐྱབས་འབད་ཚུགས་ཏེ་ སྨན་ཁང་ནང་ བསྐྱལ་ཐོག་ལས་ སྨན་བཅོས་འབད་དོ་ཟེར་ དབང་འཛིན་ཚུ་གིས་ བཤད་ཡོདཔ་ཨིན་པས།
དེ་སྦེ་ སྲོག་སྐྱབས་འབད་ཚུགས་མི་ ཆུ་གྲུའི་ལས་བྱེདཔ་ ༣ གྱིས་ བཤད་དོ་བཟུམ་འབད་བ་ཅིན་ སྲོག་སྐྱབས་འབད་མི་ གནམ་གྲུ་ཧེ་ལི་ཀོབ་ཊར་དང་པ་དེ་ མ་ལྷོད་པའི་ཧེ་མ་ལས་ མཚོ་རླབས་ཀྱིས་ འཕྱགས་འབག་འབགཔ་འོང་ཟེར་ཨིན་པས།
སྲོག་སྐྱབས་འབད་མི་ཚུ་གིས་ རླུང་འཚུབ་དྲག་པོ་དེ་ ས་གནས་ཀྱི་ དྲོ་པའི་ཆུ་ཚོད་ ༧.༢༥ དེ་ཅིག་ཁར་ བྱུང་བྱུངམ་བཟུམ་ཅིག་སྦེ་ ཤེས་གསལ་བྱུང་པའི་སྐོར་ལས་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།