རྒྱ་ནག་གིས་ མཐའ་ཡས་ལེན་ལུ་ དམག་སྦྱོང་འབད་ནིའི་དོན་ལས་ མཁའ་དམག་གནམ་གྲུ།

ཨེ་བི་སི།
སྤྱི་ཟླ་ ༨ པའི་ཚེས་ ༡༣ ལུ་ མཐའ་ཡས་ལེན་གྱི་ དམག་སྡེ་དང་གཅིག་ཁར་ མཉམ་འབྲེལ་ཐོག་ལས་ དམག་སྦྱོང་འབད་ནིའི་དོན་ལུ་ རྒྱ་ནག་མཁའ་དམག་གིས་ མཁའ་དམག་གནམ་གྲུ་དང་ རྫས་བམ་རྐྱབ་མི་ གནམ་གྲུ་ཚུ་ བཏང་ཡོདཔ་ཨིན་པས།
དེ་ཡང་ རྒྱ་ནག་གི་ སྲུང་སྐྱོབ་ལྷན་ཁག་ལས་ བཤད་དོ་བཟུམ་འབད་བ་ཅིན་ དམག་སྦྱོང་དེ་ནང་ གནམ་གྲུའི་རྒྱབ་སྐྱོར་དང་ སྤང་ཐང་ནང་ དམིགས་གཏད་བསྐྱེད་དེ་ དྲག་རྒོལ་འབད་ཐངས་ དམག་མི་མང་ཉུང་ཐོག་ལུ་ བགོ་བཀྲམ་འབད་ཐངས་ཚུ་ཡང་ ཚུད་འོང་ཟེར་ཨིན་པས།
རྒྱ་ནག་གིས་ དེ་བཟུམ་མའི་ དམག་སྦྱོང་འབད་མི་དེ་ གཙོ་བོ་ར་ ཨེ་ཤི་ཡ་དང་ པེ་སི་ཕིག་ ལུང་ཕྱོགས་ནང་ ཡུ་ཨེཛ་དང་ མཐུན་ཕྱོགས་རྒྱལ་ཁབ་ཚུ་གིས་ ཉེན་བརྡ་འབད་བའི་ཁར་ རྒྱལ་ཁབ་ ༢ ཀྱི་བར་ན་ དཔལ་འབྱོར་གྱི་ དོ་འགྲན་ལུ་ཡང་ ཚ་གྱང་ཡོད་ནི་དེ་གིས་ འོང་ནི་ཨིན་པས་ཟེར་བཀོད་ནུག།
དེ་བཟུམ་སྦེ་ ཡུ་ཨེཛ་གིས་ཡང་ ཨིན་ཌོ་ནེ་ཤི་ཡ་དང་ ཨཱཛ་ཊེ་ལི་ཡ་ རྒྱ་པཱན་ སིངྒ་པོར་ཚུ་ མཉམ་འབྲེལ་ཐོག་ལས་ ཨིན་ཌོ་ནེ་ཤི་ཡ་ལུ་སྦེ་ དམག་སྦྱོང་ལས་རིམ་ཚུ་ འགོ་འདྲེན་འཐབ་ཨིན་པས་ཟེར་ བཀོད་འདུག་པའི་གནས་ཚུལ།