རྒྱ་ནག་ལུ་ མི་སེར་སྟོང་ཕྲག་ལེ་ཤ་ཅིག་ ཆུ་རུད་ནང་ལས་སྲོག་སྐྱབས།

བི་བི་སི།

རྒྱ་ནག་ལུ་ ཆརཔ་རྒྱུན་ཆད་མེད་པར་ རྐྱབ་ནི་དེ་གིས་ ཆུ་རུད་ཐོན་ཏེ་ རྒྱ་ནག་གི་ ལྷོ་ཕྱོགས་དང་ ཤར་ཕྱོགས་མངའ་སྡེའི་ནང་ལས་ མི་སྟོང་ཕྲག་ལེ་ཤ་ཅིག་ སྲོག་སྐྱབས་འབད་ནུག།

དེ་ཡང་ སྣུམ་འཁོར་ཚུ་ ཁྲོམ་ལམ་བདའ་སྟེ་ ཆུ་གིས་འབག་འགྱོ་བའི་ མཐོང་སྣང་དང་ མི་ཚུ་ ཆུ་བྲེས་བྲེསཔ་གུ་ལས་ ཐག་པར་བཤེད་དེ་ སྲོག་སྐྱབས་འབད་བའི་ མཐོང་སྣང་ཚུ་ མཐོང་ཚུགསཔ་ཨིན་པས།

དེ་འབད་ནི་དེ་གིས་ ཆུའི་མཐའམ་དང་ ས་ཁ་དམའ་ས་ལུ་ སྡོད་མི་ཚུ་ ས་ཁ་མཐོ་ས་ལུ་ སྤོ་བཤུད་འབད་དགོ་པའི་ གསལ་གཤད་འབད་ནུག།

དེ་མ་ཚད་ རྫོང་ཁག་ ༩ གི་ནང་ མི་གྲངས་ ༤༨༥,༠༠༠ ལུ་ཡང་ ཆུ་རུད་ཀྱིས་ གནོད་སྐྱོན་བྱུང་པའི་ཁར་ ད་རུང་ཡང་ ཆུ་རུད་འཐོན་ནི་གི་ ཉེན་ཁ་ཡོད་པའི་སྐོར་ལས་ ཉེན་བརྡ་འབདཝ་ཨིན་པས་ཟེར་ བཀོད་འདུག་པའི་གནས་ཚུལ།