རྒྱལ་ཁབ་ནང་ ཆུ་རུད་ཀྱིས་ མིའི་ཚེ་སྲོག་ལུ་བར་ཆད།

སྒྲོལ་མ་ཡེ་ཤེས།
ད་རེས་ནངས་པར་ ཉིན་གྲངས་དག་པ་ཅིག་གི་རིང་ལུ་ ཆརཔ་མ་ཆད་པར་ རྐྱབ་ནི་དེ་གིས་ རྫོང་ཁག་ལེ་ཤ་ཅིག་ནང་ ཆུ་རུད་ཐོན་ཏེ་ སྡོད་ཁྱིམ་ཚུ་ འཕྱགས་འབག་པའི་ཁར་ མིའི་ཚེ་སྲོག་ལུ་ཡང་ བར་ཆད་བྱུང་ནུག།
དེ་ཡང་ བསམ་གྲུབ་ལྗོངས་མཁར་ ལའུ་རི་རྒེད་འོག་ གཡུས་མཚོ་ཐང་ལུ་ ས་རུད་ཀྱིས་ སྡོད་ཁྱིམ་དང་སྦྲགས་ཏེ་ ཨམ་སྲུ་ ༡ དང་ མོ་གི་བུམོ་ ༢ འཕྱགས་འབག་ཡོདཔ་མ་ཚད་ ཕུན་ཚོགས་གླིང་ལུ་ཡང་ ས་རུད་ཆད་དེ་ སྒྲིང་ཁྱིམ་ཐོག་ཚད་ ༤ འབད་མི་ ཁང་ཚན་ཚུ་གི་ནང་ལས་ ཐོན་འགྱོཝ་ད་ ཨམ་སྲུ་ ༡ ས་རུད་ཀྱི་འོག་ལུ་ ཚུད་མི་དེ་ཡང་ ད་ལྟོ་ འཚོལ་བའི་བསྒང་ཡོདཔ་ཨིན་པས།
དེ་མ་ཚད་ འཁོར་ལམ་དང་ ཟམ་ཚུ་ཡང་ ཆུ་རུད་དང་ ས་རུད་ཚུ་གིས་ འཕྱགས་བདའ་བའི་གུ་ བསམ་གྲུབ་ལྗོངས་མཁར་ བདེ་བ་ཐང་རྒེད་འོག་ གཡུས་དོམ་ཕུ་ཟེར་སར་ཡང་ སྣུམ་འཁོར་ ༣ འཕྱགས་བདའ་ནུག།
སྲོག་སྐྱབ་འབད་མི་ སྡེ་ཚན་ཅིག་གིས་ ཨམ་སྲུ་ ༡ དང་ ཨ་ལོ་ ༡ ས་ཁོངས་ནང་ལས་བཏོན་ཏེ་ བདེ་བ་ཐང་ སྨན་ཁང་ནང་ བསྐྱལ་ཡོདཔ་མ་ཚད་ ལམ་འགྲུལཔ་གཞན་ཚུ་ཡང་ འཚོལ་བའི་བསྒང་ཨིན་པའི་ གནས་ཚུལ་མདོར་བསྡུས།