ལྷོ་ཀོ་རི་ཡ་དང་ ཡུ་ཨེཛ་ ༢ ཀྱིས་ མི་ཛ་ཡེལ་བཏང་སྟེ་ བྱང་ཀོ་རི་ཡ་ལུ་ཉེན་བརྡ།

བི་བི་སི།

སྤྱི་ཟླ་ ༦ པའི་ཚེས་ ༥ ལུ་ ལྷོ་ཀོ་རི་ཡ་དང་ ཡུ་ཨེཛ་ ༢ ཀྱིས་ མི་ཛ་ཡེལ་ ༨ བཏང་ཡོདཔ་ད་  དེ་ཡང་ བྱང་ཀོ་རི་ཡ་གིས་ མི་ཛ་ཡེལ་བཏང་པའི་ལན་ལུ་ བཏང་ཡོདཔ་ཨིན་པས།

ལྷོ་ཀོ་རི་ཡའི་སྲིད་འཛིན་ ཡཱོན་སུག་ཡོལ་གྱིས་ གསུངས་དོ་བཟུམ་འབད་བ་ཅིན་ བྱང་ཁ་ཐུག་གི་ ཁྱིམ་མཚེས་རྒྱལ་ཁབ་ཀྱིས་ ཧད་བཏགས་ག་བཟུམ་འཚོལ་རུང་ ལྷོ་ཀོ་རི་ཡའི་ གཞུང་གི་ཁ་ཐུག་ལས་ གདོང་ལན་འབད་ནི་ལུ་ རྒྱབ་བཤུད་སོར་གང་ཡང་མེད་ཟེར་ཨིན་པས།

དེ་མ་ཚད་ ཁོང་གི་རྒྱལ་ཁབ་ཀྱི་ རྒྱུ་ནོར་དང་ མི་སེར་ཕུད་རྡོག་ཅིག་གི་ ཚེ་སྲོག་ལུ་ གནོད་སྐྱོན་འབྱུང་མི་བཅུག་ནི་ཨིན་པའི་སྐོར་ལས་ཡང་གསུངས་ནུག།

རྒྱལ་ས་སེ་འཱུལ་ལུ་ དམག་འཁྲུག་གི་ རྗེས་དྲན་དུས་སྟོན་ཅིག་ནང་ གསུངས་དོ་བཟུམ་འབད་བ་ཅིན་ བྱང་ཀོ་རི་ཡའི་ རྡུལ་ཕྲན་མཚོན་ཆ་དང་ མི་ཛ་ཡེལ་གྱི་ ལས་རིམ་ཚུ་ལུ་བརྟེན་ཏེ་ ཀོ་རི་ཡའི་ པེ་ནིན་སུ་ལ་རྐྱངམ་ཅིག་ལུ་ འཇིགས་བསྐུལ་འབདཝ་མིན་པར་ བྱང་ཤར་ཨེ་ཤི་ཡ་དང་ འཛམ་གླིང་ནང་ཡང་ འཇིགས་བསྐུལ་འབདཝ་ཨིན་པས་ཟེར་ བཀོད་འདུག་པའི་གནས་ཚུལ།