ཤྲཱི་ལངྐའི་ སྤྱི་ཚོགས་འཐུའི་ནང་ སྲིད་འཛིན་ཌི་ས་ན་ཡ་ཀེའི་ མཉམ་བསྡོམས་ཚོགས་པ་གིས་ རྒྱལ་ཁ་ཐོབ་ཡོདཔ།

བི་བི་སི།
སྤྱི་ཟླ་ ༡༡ པའི་ཚེས་ ༡༥ ལུ་ ཤྲཱི་ལངྐ་ལུ་ སྤྱི་ཚོགས་བཙག་འཐུ་དང་འབྲེལ་བའི་ གཞུང་འབྲེལ་གྲུབ་འབྲས་དང་འཁྲིལཝ་ད་ སྲིད་འཛིན་ཌི་ས་ན་ཡ་ཀེའི་ མཉམ་བསྡོམས་སྲིད་ཚོགས་ཀྱིས་ རྒྱལ་ཁ་ཐོབ་ནུག།
དེ་ཡང་ སྲིད་འཛིན་ཨ་ནུ་ར་ ཀུ་མ་ར་ ཌི་ས་ན་ཡ་ཀེའི་ ནེ་ཤ་ནཱལ་ པི་པཱལ་པ་ཝར་ཟེར་མི་ མཉམ་བསྡོམས་སྲིད་ཚོགས་ཀྱིས་ སྤྱི་ཚོགས་ནང་ སྡོད་ཁྲི་ ༡༡༣ དགོ་མི་ལས་ལྷག་སྟེ་ ཐོབ་ཡོདཔ་ད་ སྤྱི་ཚོགས་ནང་ སྡོད་ཁྲི་ ༢༢༥ ཡོདཔ་ཨིན་པས།
ཌི་ས་ན་ཡ་ཀེ་དེ་ མདང་ཞག་ སྤྱི་ཟླ་ ༩ པའི་ནང་ རྒྱལ་ཁབ་ནང་གི་ ངན་ལྷད་དང་ དལ་འབྱོར་གྱི་ དཀའ་ངལ་བསྐྱར་གསོ་འབད་ནི་གི་ ཁས་ལེན་དང་འཁྲིལ་ཏེ་ སྲིད་འཛིན་སྦེ་ བཙག་འཐུ་གྲུབ་ཡོདཔ་ད་ ཚོགས་རྒྱན་བཙུགས་མི་ མང་ཤོས་ཅིག་གིས་ འཚོ་བའི་གནས་གོང་ ཡར་འཕར་འགྱོ་མི་ལུ་ ཚ་གྱང་ཡོདཔ་སྦེ་ བཤདཔ་ཨིན་པས།
ད་རེས་ ཆ་མེད་བཏང་མི་ སྤྱི་ཚོགས་ནང་འབད་བ་ཅིན་ ཌི་ས་ན་ཡ་ཀེ སྲིད་ཚོགས་ངོ་མ་ ཇ་ན་ཐ་ ཝི་མུག་ཐི་ པེ་ར་མུ་ན་ སྲིད་ཚོགས་ལུ་ སྡོད་ཁྲི་ ༣ ར་ཨིན་ཟེར་བཤད་ནུག།
སྐྱེས་ལོ་ ༥༥ འབད་མི་ ཌི་ས་ན་ཡ་ཀེ་གིས་ ཀོ་ལོམ་བོ་ལུ་ ཚོགས་རྒྱན་བཙུགས་པའི་ཤུལ་ལས་ ད་རེས་ཀྱི་ བཙག་འཐུ་དེ་ ཤྲཱི་ལངྐའི་ འབྱུང་རབས་ནང་ ཁ་སྒྱུར་ཅན་གྱི་ བཙག་འཐུ་ཅིག་ཨིན་ཟེར་ བཤད་ཡོདཔ་ད་ ཧེ་མའི་སྲིད་འཛིན་ ར་ཛཱ་པག་ཤིའི་ གཞུང་སྐྱོང་འཐུས་མི་ཚུ་གིས་གཙོས་པའི་ སྤྱི་ཚོགས་ཀྱི་ འཐུས་མི་གསུམ་དཔྱ་ ༢ དེ་ཅིག་གིས་ བཙག་འཐུའི་ནང་ གྲལ་གཏོགས་མ་འབདཝ་ཨིན་པས།
བཙག་འཐུ་དེ་ཡང་ སྲིད་འཛིན་ཌི་ས་ན་ཡ་ཀེ་གིས་ མི་སེར་གྱི་ དགོས་དོན་དང་འཁྲིལ་བའི་ སྤྱི་ཚོགས་ཅིག་ དགོས་མཁོ་ཡོད་ལུགས་དང་ ཁོ་རའི་སྲིད་བྱུས་ཚུ་ ལག་ལེན་འཐབ་ནིའི་དོན་ལུ་ འགོ་འདྲེན་འཐབ་དགོ་པའི་ བཀོད་རྒྱ་གནང་ཡོདཔ་ད་ སྲིད་འཛིན་ཌི་ས་ན་ཡ་ཀེའི་ རྒྱབ་འགལ་ལུ་ ལྡོག་ཕྱོགས་མཉམ་བསྡོམས་སྲིད་ཚོགས་ཀྱི་འགོ་ཁྲིདཔ་ ས་ཇིད་པེར་མ་ད་ས་གིས་ དོ་འགྲན་འབད་ནུག་ཟེར་ བཀོད་འདུག་པའི་གནས་ཚུལ།