ཤྲཱི་ལངྐའི་ སྲིད་འཛིན་བགྲེསཔ་ གོ་ཊ་བཱ་ཡ་ ར་ཇ་པག་ས་དེ་ རྒྱལ་ཁབ་ནང་ ལོག་བྱོན་ཡོདཔ།

ཨེ་བི་སི།
སྤྱི་ཟླ་ ༩ པའི་ཚེས་ ༢ ཀྱི་ ནུབ་ཕྱེད་དེ་ཅིག་ཁར་ ཤྲཱི་ལངྐའི་ སྲིད་འཛིན་བགྲེསཔ་ གོ་ཊ་བཱ་ཡ་ ར་ཇ་པག་ས་དེ་ བེང་ཀོག་ལས་ སིངྒ་པོར་བརྒྱུད་དེ་ ཤྲཱི་ལངྐའི་རྒྱལ་ས་ ཀོ་ལོམ་བོའི་ རྒྱལ་སྤྱི་གནམ་ཐང་ནང་ ཕེབས་ཡོདཔ་ཨིན་པས།
དེ་བསྒང་ ཁོ་རའི་སྲིད་ཚོགས་ཀྱི་ ཁྲིམས་བཟོ་འཐུས་མི་ཚུ་གིས་ བྱོན་ལེགས་ཞུ་བའི་ཤུལ་ལུ་ དམག་མི་ཚུ་གིས་ ཉེན་སྲུང་འབད་དེ་ ཀོ་ལོམ་བོ་ལུ་ཡོད་མི་ སྲིད་འཛིན་བགྲེས་པའི་ གཞུང་དབང་གཟིམ་ཅུང་ནང་ ཞུ་ནུག།
དེ་ཡང་ ཤྲཱི་ལངྐ་ལུ་ དཔལ་འབྱོར་གྱི་ དཀའ་ངལ་སྦོམ་སྦེ་ར་ ཐོན་པ་ལུ་བརྟེན་ཏེ་ ཁོང་ཁྲོ་ལངས་མི་ མི་སེར་མང་རབས་ཅིག་གིས་ སྲིད་འཛིན་གོ་ཊ་བཱ་ཡ་ ར་ཇ་པག་སའི་ གཟིམ་ཅུང་དང་ ཡིག་ཚང་ཚུ་ནང་ ངོ་རྒོལ་འབད་ནི་དེ་གིས་ སྲིད་འཛིན་ར་ཇ་པག་ས་དེ་ ཕྱི་རྒྱལ་ལས་ཕར་ བྱོག་བྱོན་ཡོདཔ་ཨིན་པས།
སྲིད་འཛིན་དེ་ མདངས་ཞག་ སྤྱི་ཟླ་ ༧ པའི་ཚེས་ ༡༣ ལས་ ཁོ་རའི་ཨམ་དང་ སྐུ་སྲུང་དམག་མི་ ༢ ཁྱིད་དེ་ མལ་ཌིབཛ་དང་ སིངྒ་པོར་ མཐའ་ཡས་ལེན་ རྒྱལ་ཁབ་ཚུ་ནང་ བྱོག་བྱོན་ནུག་ཟེར་ བཀོད་འདུག་པའི་གནས་ཚུལ།