སིངྒ་པོར་ རྒྱལ་ཁབ་ནང་ སྨྱོ་རྫས་ནག་ཚོང་འཐབ་མི་ ༢ ལུ་ སྲོག་ཐོག་གི་ཉེས་ཁྲིམས།

ཧིན་དྷཱུཛ་ཊཱན།
སིངྒ་པོར་ རྒྱལ་ཁབ་ནང་ སྨྱོ་རྫས་ནག་ཚོང་དང་འབྲེལ་བའི་ ཁྲིམས་འགལ་གྱི་ ལཱ་འབདཝ་ལས་ རྒྱ་གར་པཱན་ཇབ་ལས་ མ་ལེ་ཤི་ཡ་ལུ་སྡོད་མི་ དབང་པོ་སྐྱོན་ཅན་ ཀཱལ་ཝཱན་སིང་ལུ་ སྲོག་ཐོག་གི་ ཉེས་ཁྲིམས་ཕོག་མི་དེ་ རྒྱ་གར་གྱི་ མི་ཁུངས་ ༢ པ་ཨིན་པས།
དེ་ཡང་ སྤྱི་ལོ་ ༢༠༡༦ ལུ་ ཀཱལ་ཝཱན་སིང་གིས་ སྨྱོ་རྫས་ཧི་རོ་ཡིན་ཟེར་མི་ སིངྒ་པོར་ལུ་ སྐྱེལ་འདྲེན་འབད་བའི་ ཉེས་འཛུགས་ཐོག་ལུ་ སྤྱི་ཟླ་ ༧ པའི་ཚེས་ ༧ གྱི་དྲོ་པར་ སྐྱེས་ལོ་ ༣༢ འབད་མི་ དབང་པོ་སྐྱོན་ཅན་ ཀཱལ་ཝཱན་སིང་དང་ སིངྒ་པོར་ རྒྱལ་ཁབ་ལས་ སྐྱེས་ལོ་ ༤༨ འབད་མི་ ནོ་ར་ཤ་རི་ ༢ ལུ་ སྲོག་ཐོག་གི་ ཉེས་ཁྲིམས་བཀལ་ནུག།
དེ་འབདཝ་ད་ མི་སེར་ཚུ་གིས་ ཉེས་ཁྲིམས་སྲོག་ཐོག་ལུ་ བཀལ་མི་དེ་ ཐབས་ཤེས་བཟང་ཤོས་ཅིག་མིན་པའི་ ཉོག་བཤད་བཀོད་ཐོག་ལས་ རྩ་མེད་གཏང་དགོཔ་སྦེ་ སླབ་ཡོད་རུང་ དུས་ཅི་ར་ སིངྒ་པོར་ རྒྱལ་ཁབ་ནང་ མི་གྲངས་ ༤ ལུ་ སྲོག་ཐོག་གི་ ཉེས་ཁྲིམས་བཀལ་ནུག་ཟེར་ བཀོད་འདུག་པའི་གནས་ཚུལ།