སྐྱབས་མགོན་ཏཱ་ལའི་བླ་མ་མཆོག་ལུ་ ལ་དྭགས་ཀྱི་ ཞི་བའི་རྟགས་མ་མཐོ་ཤོས་ཕུལ་ཡོདཔ།

ཨིན་ཌེ་ཡན་ཨེགཛ་པེ་རེཛ།
བོད་ཆོས་ཀྱི་དབུ་ཁྲིད་ སྐྱབས་མགོན་རིན་པོ་ཆེ་ ཏཱ་ལའི་བླ་མ་མཆོག་ལུ་ ལ་དྭགས་རང་སྐྱོང་རི་ལྡན་ གོང་འཕེལ་ཚོགས་སྡེ་གིས་ ལ་དྭགས་ཀྱི་ ཞི་བའི་རྟགས་མ་མཐོ་ཤོས་ དཔལ་རྔམ་དུས་སྟོན་ཟེར་མི་ ཕུལ་ཡོདཔ་ཨིན་པས།
དེ་ཡང་ སྤྱི་ཟླ་ ༨ པའི་ཚེས་ ༦ ལུ་ ལ་དྭགས་ཀྱི་ དབང་འཛིན་ཚུ་གིས་ བཤད་ཡོདཔ་ད་ དེ་བཟུམ་མའི་ ཆེས་མཐོའི་རྟགས་མ་ ཕུལ་དགོ་མི་དེ་ སྐྱབས་མགོན་རིན་པོ་ཆེ་མཆོག་གིས་ ལུང་ཕྱོགས་དེ་ནང་ བསམ་གྱིས་མི་ཁྱབ་པའི་ ཕན་འདེབས་མཛད་གནང་ནི་དེ་གིས་ཨིན་ཟེར་ དབང་འཛིན་གྱིས་བཤད་ནུག།
དགུང་ལོ་ ༨༧ བཞེས་མི་ སྐྱབས་མགོན་རིན་པོ་ཆེ་མཆོག་ སྤྱི་ཟླ་ ༧ པའི་ཚེས་ ༡༥ ལས་ ལུང་ཕྱོགས་དེ་ཁར་ ཆིབས་བསྐྱོད་གནང་སྟེ་ བཀའ་ཆོས་ཟབ་མོ་ཚུ་ གནང་ཡོད་པའི་སྐོར་ལས་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།