ཨཕ་གྷ་ནིཛ་ཏཱན་ལུ་ རང་སྲོག་བཅད་ཐོག་ལས་ རྫས་བམ་གས་བཅུག་མིའི་ནང་ མི་གྲངས་ ༣༥ ལུ་ཤི་རྐྱེན།

བི་བི་སི།
ཨཕ་གྷན་གྱི་རྒྱལ་ས་ ཀ་བཱུལ་ལུ་ ཟུར་ཆོས་ལྷབ་སའི་ ལྟེ་བ་ཅིག་ནང་ རང་སྲོག་བཅད་ཐོག་ལས་ རྫས་བམ་གས་བཅུག་པ་ལུ་བརྟེན་ཏེ་ མི་གྲངས་ ༣༥ ལུ་ ཤི་རྐྱེན་བྱུང་མིའི་གྲས་ཁར་ མང་ཤོས་ཅིག་ར་ སློབ་ཕྲུག་བུམོ་ཚུ་ཨིན་པས་ཟེར་ འཛམ་གླིང་སྤྱི་ཚོགས་ཀྱིས་ བཤད་ཡོདཔ་ཨིན་པས།
དེ་མ་ཚད་ གཞན་མི་ ༨༠ ལྷགཔ་ཅིག་ལུ་ཡང་ རྨ་སྐྱོན་བྱུང་ཡོདཔ་ད་ དེ་བསྒང་ སློབ་ཕྲུག་ཚུ་ ལྟེ་བ་དེ་་ནང་ གཙུག་ལག་སློབ་གྲྭའི་ ཆོས་རྒྱུགས་ཀྱི་དོན་ལས་ སྦྱང་བ་འབད་དེ་ སྡོད་ནུག་ཟེར་ཨིན་པས།
བྱུང་རྐྱེན་དེ་གི་སྐོར་ལས་ སྡེ་ཚན་ག་གིས་ཡང་ ངོས་ལེན་མ་འབད་རུང་ ཨིཛ་ལ་མིག་ གཡིབ་དམག་སྡེ་ཚན་ཚུ་ འོང་ནི་ཨིན་པའི་ དོགས་པ་ཟེར་ ཏཱ་ལི་བཱན་ འགན་འཛིན་པ་ཚུ་གིས་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།