ཨཕ་གྷ་ནིཛ་ཏཱན་ལུ་ ཨམ་སྲུ་ཚུ་གི་དོན་ལས་ གཙུག་ལག་སློབ་སྡེའི་ ཆོས་ཚན་མང་ཤོས་ཅིག་བཀག་དམ།

བི་བི་སི།

ཨཕ་གྷ་ནིཛ་ཏཱན་ལུ་ ཏཱ་ལི་བཱན་གཞུང་གིས་ ཨམ་སྲུ་ཚུ་ གཙུག་ལག་སློབ་སྡེའི་ ཆོས་ཚན་མང་ཤོས་ར་ ལྷབ་ནི་མེད་པའི་ བཀག་དམ་འབད་ནུག།

དེ་ཡང་ ཨཕ་གྷན་གྱི་ སློབ་ཕྲུག་བུམོ་ཚུ་གིས་ བཤད་དོ་བཟུམ་འབད་བ་ཅིན་ མཐོ་རིམ་ཤེས་ཡོན་ ལྷབ་ནིའི་དོན་ལུ་ ཆོས་ཚན་གདམ་ཁ་མེདཔ་ལས་ ཁོང་ར་གིས་ མནོ་མི་དང་ དགའ་མི་ ཆོས་ཚན་ཚུ་ བཀག་དམ་འབད་ཡི་ཟེར་ཨིན་པས།

སློབ་ཕྲུག་བུམོ་ཅིག་གིས་ བརྡ་བརྒྱུད་ཤེས་ཡོན་ ལྷབ་ནི་སྦེ་ཨིན་རུང་ ཏཱ་ལི་བཱན་ སྲིད་སྐྱོང་གི་ ལམ་ལུགས་དང་འཁྲིལཝ་ད་ གནོད་ཉེན་ཅན་གྱི་ ཆོས་ཚན་ཚུ་ ལྷབ་དགོཔ་སྦེ་ སླབ་སྟེ་ཡོད་ཟེར་ཨིན་པས།

སྤྱི་ལོ་ ༢༠༢༡ ལས་ ཏཱ་ལི་བཱན་གྱིས་ རྒྱལ་ཁབ་སྐྱོང་ནི་ འགོ་བཙུགས་པའི་ཤུལ་ལུ་ བུམོ་མང་ཤོས་ཅིག་ སློབ་གྲྭའི་ནང་ འགྱོ་ནི་ལས་བཀག་དམ་ཡོདཔ་མ་ཚད་ སྒེར་སྡེ་གཙུག་ལག་སློབ་གྲྭའི་ནང་ འཛུལ་ཞུགས་འབད་མི་ བུམོ་ཚུ་ལུ་ཡང་ ཆོས་ཚན་ཚུ་ གཞུང་གིས་ ཚད་འཛིན་འབད་ནུག་ཟེར་ བཀོད་འདུག་པའི་གནས་ཚུལ།