ཨཱཕ་གྷ་ནིཛ་ཏཱན་ལས་ མི་སེར་ཚུ་ ཡུ་ཀེ་ལུ་ བྱོག་འགྱོ་ནི་ལུ་ རང་སྲོག་བློས་བཏང་།

བི་བི་སི།
འདས་པའི་ལོ་ཚུ་ནང་ ཨཱཕ་གྷ་ནིཛ་ཏཱན་ལས་ ཡུ་ཀེ་ལུ་ བྱོག་འགྱོ་མི་ཚུ་ལུ་ ཉེན་ཁ་སྦོམ་སྦེ་ར་ཡོད་མི་དེ་ཡང་ པ་ཀིཛ་ཏཱན་དང་ ཨི་རཱན་ ཏུར་ཀི་རྒྱལ་ཁབ་ཚུ་གིས་ ཁྲིམས་འགལ་ཐོག་ལས་ ཕྱི་མི་ནང་བསྐྱོད་འབད་མི་ཚུ་ལུ་ ཞིབ་དཔྱད་ཚུ་ དམ་དམ་སྦེ་ བཟོ་ནི་དེ་གིས་ཨིན་པས།
དེ་སྦེ་ བྱོག་འགྱོ་མི་ཚུ་ལུ་ ཆ་རོགས་འབད་མི་ཚུ་ཡང་ མི་ནག་ཚོང་འཐབ་མི་ཚུ་ཨིནམ་ལས་ བྱོག་འགྱོ་མི་རེ་རེ་གིས་ ནག་ཚོང་འཐབ་མི་ཚུ་ལུ་ ཌོ་ལར་ ༤,༠༠༠ དེ་རེ་ སྤྲོད་དགོ་་པའི་ཁར་ གྲུ་ཆུང་ཚུ་ནང་བཙུགས་ཏེ་ འཁྱིད་འགྱོ་བའི་སྐབས་ལུ་ཡང་ ཉིནམ་རེར་སྒོང་རྡོག་བཙོ་བཙོཝ་རེ་དང་ ཇ་ཕོརཔ་གང་རེ་ལས་ མ་བྱིན་ནི་དེ་གིས་ དཀའ་ངལ་སྦོམ་ར་ཐོན་ནུག།
དེ་བཟུམ་མའི་ མི་ནག་ཚོང་འཐབ་མི་ཚུ་ལུ་ ཏི་རུ་སྤྲོད་པའི་ཤུལ་ལས་ བྱོག་འགྱོ་མི་ཚུ་ ནག་ཚོང་འཐབ་མི་ཚུ་གིས་ གཅིག་ལས་གཅིག་བརྒྱུད་དེ་ རྩིས་སྤྲོད་འབད་དེ་ ཁྱིད་འགྱོ་དོ་ཡོདཔ་ཨིན་པས།
ཨཱཕ་གྷ་ནིཛ་ཏཱན་ལུ་ ཏ་ལི་བཱན་གྱི་ གཞུང་བཙུགས་ཏེ་ ལོ་ངོ་ ༣ གྱི་ ནང་འཁོད་ལུ་ ཨམ་སྲུ་ཚུ་གི་དོན་ལས་ གདུག་རྩུབ་ཅན་གྱི་ བཀག་དམ་ཚུ་ གཞི་བཙུགས་འབད་མི་ལུ་ འཛམ་གླིང་སྤྱི་ཚོགས་ཀྱིས་ རྒྱལ་ཁབ་ནང་ མི་སེར་གསུམ་དཔྱ་ ༡ དེ་ཅིག་ལུ་ བཟའ་འཐུང་ཚུ་མེདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།