ཨཱཕ་གྷ་ནིཛ་ཏཱན་ལུ་ རྫས་བམ་གས་བཅུག་མིའི་ནང་ མི་གྲངས་ ༢༡ ལུ་ ཤི་རྐྱེན་དང་ གཞན་མི་ ༣༣ ལུ་རྨ་སྐྱོན།

བི་བི་སི།

སྤྱི་ཟླ་ ༨ པའི་ཚེས་ ༡༧ ལུ་ ཨཱཕ་གྷ་ནིཛ་ཏཱན་གྱི་རྒྱལ་ས་ ཀ་བཱུལ་ལུ་ རྫས་བམ་ཅིག་ གས་བཅུག་མིའི་ནང་ མི་གྲངས་ ༢༡ ལུ་ ཤི་རྐྱེན་དང་ གཞན་མི་ ༣༣ དེ་ཅིག་ལུ་ རྨ་སྐྱོན་བྱུང་ནུག།

དེ་ཡང་ མི་སེར་ཚུ་ ཁ་ཆེའི་ལྷ་ཁང་ཅིག་ནང་ ཕྱི་རོའི་ཁ་ཐུན་བཏང་སྟེ་ སྡོད་པའི་སྐབས་ལུ་ གས་བཅུག་ཡོདཔ་ད་ དེ་སྦེ་ ཤི་རྐྱེན་བྱུང་མིའི་གྲས་ཁར་ ཁ་ཆེའི་བླམ་ཅིག་ཡང་ཡོདཔ་ཨིན་པས།

རྐྱེན་ངན་དེ་གི་སྐོར་ལས་ སྡེ་ཚན་ག་གིས་ཡང་ ཁ་མ་བཟེད་པར་ཡོདཔ་ད་ རྐྱེན་ངན་བྱུང་སའི་ ས་ཁོངས་དེ་ ཁྲིམས་སྲུང་འགག་སྡེ་གིས་ བཀག་དམ་འབད་དེ་ བཞག་ནུག་ཟེར་ བཀོད་འདུག་པའི་གནས་ཚུལ།