འབྲུག་ལུ་ ཡི་གུ་འབྱུང་ཚུལ།

སྤྱི་ལོ་ ༨༠༠ དེ་ཅིག་ལུ་ གུ་རུ་པདྨ་སམྦྷ་ཝའི་སློབ་མ་ ལོ་ཙཱ་བ་ ལྡན་མ་རྩེ་མང་གིས་ ཡུལ་ལྗོངས་འདི་ནང་ ཡི་གུ་དང་ རིག་གནས་ཀྱི་ ལམ་སྲོལ་ཚུ་ བཙུགས་གནང་པའི་ཤུལ་ལུ་ ཡི་གུའི་རིགས་དང་ སྒྲ་དང་ སྙན་ངག་ཚུ་ལུ་ མཁས་པ་རིམ་པར་བྱུང་པའི་ བརྒྱུད་པ་ལས་ དྲུང་ཡིག་རྟ་མགྲིན་དབང་རྒྱལ་དང་ བུམ་ཐང་ཆོས་རྗེ་ ངག་དབང་བསོད་ནམས་ སྡེ་སྲིད་དགུ་པ་ དགེ་བཤེས་ངག་དབང་རྒྱ་མཚོའི་སྐབས་ལུ་ སྤུངས་ཐང་གྲྭ་ཚང་ནང་ སྒྲ་པའི་གྲྭ་ཚང་ གསར་བཙུགས་མཛད་ནུག།

དེ་བསྒང་ བུམ་ཐང་ཆོས་རྗེ་ ངག་དབང་བསོད་ནམས་ སྒྲ་པའི་སློབ་དཔོན་སྦེ་ བསྐོས་གནང་པ་ལུ་བརྟེན་ཏེ་ ཡིག་རིགས་གཙོ་བོར་ བཏོན་པའི་ཁར་ སྒྲ་དང་ རྩིས་ཚུ་ཡང་ དར་རྒྱས་འགྱོ་བའི་ཤུལ་ལུ་ བུམ་ཐང་ཆོས་རྗེའི་སློབ་མ་ འབྲུག་པ་ལོ་ཙཱ་བ་ ངག་དབང་དཔལ་བཟང་ཟེར་མི་དང་ རྗེ་མཁན་ཁྲི་རབས་ ༡༢ པ་ ཀུན་དགའ་རྒྱ་མཚོ་ཟེར་ ཞུ་མི་དེ་ཡང་ གཞུང་དང་ རིག་གནས་ལུ་ མཐར་སོན་པ་དེ་གིས་ སྒྲ་པའི་སློབ་དཔོན་ མཛད་ཞིནམ་ལས་ཚུར་ སྒྲ་སློབ་རིམ་བྱོན་ཚུ་གིས་ འབྲུག་གི་ཡི་གུ་དང་ རིག་གཞུང་ཚུ་ དར་ཁྱབ་མཛད་གནང་ནུག།

Please follow and like us: