ཀུས་བཱ་ལུ་ རྫས་རླུང་འགས་ཏེ་ མི་གྲངས་ ༢༥ ལུ་ ཤི་རྐྱེན་དང་ ༦༠ ལུ་རྨ་སྐྱོན།

བི་བི་སི།
སྤྱི་ཟླ་ ༥ པའི་ཚེས་ ༧ ལུ་ ཀུས་བཱའི་ས་གནས་ ཧེ་ཝ་ན་ཟེར་སར་ ཁྱད་འཕགས་ཅན་གྱི་ བཟའ་ཁང་སྦོམ་ཅིག་ནང་ རྫས་རླུང་འགས་པའི་ རྐྱེན་ངན་ནང་ མི་གྲངས་ ༢༥ ལུ་ ཤི་རྐྱེན་དང་ ༦༠ ལྷགཔ་ཅིག་ལུ་ རྨ་སྐྱོན་བྱུང་སྟེ་ སྨན་ཁང་ནང་ བསྐྱལ་ཡོདཔ་ཨིན་པས།
དེ་ཡང་ བཟའ་ཁང་གི་ སྣུམ་འཁོར་བཞག་སའི་ ས་ཁོངས་ནང་ རྫས་རླུང་གེཛ་འབག་མི་ སྣུམ་འཁོར་ཅིག་ བཀག་བཞག་མིའི་ནང་ལས་ རྫས་རླུང་གེཛ་འགས་ཏེ་ ཁྱིམ་ཐོག་ལེ་ཤ་ཅིག་ གཏོར་བཏང་ནུག་ཟེར་ཨིན་པས།
སྲོག་སྐྱབས་འབད་ཚུ་གིས་ སྲོག་སྐྱབས་ཀྱི་ལཱ་ཚུ་ འཕྲོ་མཐུད་དེ་ར་འབད་དོ་ཡོདཔ་ད་ རྒྱལ་རབས་ཅན་གྱི་ ཁྱད་འཕགས་བཟའ་ཁང་དེ་ གྱང་ཁོག་ཅིག་ལུ་ གྱུར་སོང་ནུག་ཟེར་ བཀོད་འདུག་པའི་གནས་ཚུལ།