འབྲུག་རྒྱལ་ཁབ་ནང་ འཕགས་པའི་དགེ་འདུན་གྲྭ་ཚང་ གཞི་བཙུགས་གནང་སྟེ་ མི་ལོ་ ༤༠༠ འཁོར་བའི་དུས་སྟོན།

ཡིག་ཚང་ལས་བྱེདཔ།
རང་ཟླ་ ༣ པའི་ཚེས་ ༡༠ སྤྱི་ཟླ་ ༥ པའི་ཚེས་ ༡༡ ལུ་ ཞབས་དྲུང་སྐུ་མཆོད་དང་བསྟུན་ཏེ་ སྤུངས་ཐང་བདེ་བ་ཆེན་པོའི་ཕོ་བྲང་ནང་སྦེ་ རྒྱལ་ཁབ་འདི་ནང་ དགེ་འདུན་གྲྭ་ཚང་ འགོ་དང་པ་ གཞི་བཙུགས་གནང་སྟེ་ མི་ལོ་ ༤༠༠ འཁོར་བའི་ དུས་སྟོན་ཁྱད་པར་ཅན་ བརྩི་སྲུང་ཞུ་ནི་ཨིན་པས།
དེ་ཡང་ སྤྱི་ལོ་ ༡༦༢༡ གི་ལོར་ མཐུ་ཆེན་ཆོས་ཀྱི་རྒྱལ་པོ་ ཞབས་དྲུང་རིན་པོ་ཆེ་མཆོག་གིས་ ཐིམ་ཕུ་ལྕགས་རི་རྡོ་རྗེ་གདན་ལུ་ དགེ་སློང་ཞལ་གྲངས་ ༣༠ དང་བཅསཔ་སྦེ་ གཞི་བཙུགས་གནང་པའི་ བཀྲིན་རྗེས་དྲན་ལུ་ བརྩི་སྲུང་ཞུཝ་ཨིན་ཟེར་ ཐིམ་ཕུ་རྟ་མགོ་རྡོར་གདན་ནང་པའི་མཐོ་རིམ་སློབ་གྲྭའི་ དབུ་འཛིན་འོགམ་ མཁན་པོ་ཉི་མ་གིས་ བཤདཔ་ཨིན་པས།
ད་རེས་ནངས་པ་ར་ གཞུང་དགེ་འདུན་གྲྭ་ཚང་གིས་གཙོས་པའི་ རབ་སྡེ་ཁག་དང་ བཤད་གྲྭ་ སྒྲུབ་སྡེ་ སྒོམ་སྡེ་ལ་སོགས་པ་ཚུ་བསྡོམས་ཏེ་ དགེ་སློང་ཞལ་གྲངས་ ༡༩,༠༠༠ དེ་ཅིག་ལུ་ ཡར་སེང་སོང་སྟེ་ཡོད་ཟེར་ མཁན་པོ་ཉི་མ་གིས་ བཤདཔ་ཨིན་པའི་ གནས་ཚུལ་མདོར་བསྡུས།

Please follow and like us: