འཛམ་གླིང་རྒྱལ་ཁབ་ ༡༡ གི་ནང་ མི་གྲངས་ ༨༠ དེ་ཅིག་ལུ་ སྤྱའི་འབྲུམ་ནད་ ཐོབ་ཡོད་པའི་ངོས་འཛིན།

བི་བི་སི།
འཛམ་གླིང་གསོ་བའི་ལས་སྡེ་གིས་ བཤད་དོ་བཟུམ་འབད་བ་ཅིན་ རྒྱལ་ཁབ་ ༡༡ གི་ནང་ མི་གྲངས་ ༨༠ དེ་ཅིག་ལུ་ སྤྱའི་འབྲུམ་ནད་ ཐོབ་ཡོད་པའི་ དོགས་ཟོན་ཐོག་ལུ་ བརྟག་ཞིབ་འབདཝ་ད་ ངེས་བདེན་ཨིན་པའི་ གྲུབ་འབྲས་ཐོན་ཡི་ཟེར་ཨིན་པས།
འབྲུམ་ནད་དེ་ འགོ་དང་པ་ ཡུ་རོབ་རྒྱལ་ཁབ་ ཨི་ཊ་ལི་དང་ སུའི་ཌེན་ སི་པེན་ པོར་ཊུ་གཱལ་ ཡུ་ཨེཛ་ དེ་ལས་ ཀེ་ན་ཌ་དང་ ཡུ་ཀེ་ཚུ་ནང་ དར་ཁྱབ་སོང་ཡོད་པའི་ སྙན་ཞུ་ཐོབ་ནུག།
མ་གཞི་ སྤྱའི་འབྲུམ་ནད་དེ་ ཨཕ་རི་ཀའི་ དབུས་ཕྱོགས་དང་ ནུབ་ཕྱོགས་ཀྱི་ མཐའ་ཟུར་ས་གནས་ཚུ་ནང་ ཡོངས་གྲགས་ཅན་ཅིག་ ཨིན་པས།
ཨིན་རུང་ མི་སྡེའི་བར་ན་ འཇམ་ཏོག་ཏོ་སྦེ་ དར་ཁྱབ་འགྱོ་ནི་གི་ ཉེན་ཁ་དེ་ ཉུང་སུ་ཅིག་ལས་མེདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: