རྒྱ་གར་དྷི་ལི་ཁྲིམས་འདུན་གྱིས་ ཧཱར་ཡ་ན་མངའ་སྡེའི་ གཙོ་འཛིན་བློན་པོ་བགྲེསཔ་ལུ་ ལོ་ངོ་ ༤ གི་བཙོན་ཁྲིམས།

ཧིན་དྷཱུཛ་ཏཱན།
རྒྱ་གར་གྱི་མངའ་སྡེ་ ཧཱར་ཡ་ནའི་ གཙོ་འཛིན་བློན་པོ་བགྲེསཔ་ ཨོམ་པར་ཀཤ་ ཅའུ་ཏ་ལ་གིས་ ཁོ་རའི་འོང་འབབ་ལས་ལྷག་སྟེ་ ཁྲིམས་མཐུན་མིན་པའི་ རྒྱུ་དངོས་བསགས་ཡོད་པའི་ ཉེས་ཁྲིམས་བཀལ་ནུག།
དེ་ཡང་ སྤྱི་ཟླ་ ༥ པའི་ཚེས་ ༢༧ ལུ་ དྷི་ལི་ཁྲིམས་འདུན་ལས་ ལོ་ངོ་ ༤ གི་ བཙོན་ཁྲིམས་དང་ ཉེས་ཆད་རུ་པི་འབུམ་ ༥༠ བཀལ་ཡོདཔ་མ་ཚད་ ཁོ་གི་རྒྱུ་ནོར་ཁག་ ༤ དབང་བཟུང་འབད་དགོ་པའི་ བཀའ་རྒྱ་ཡང་ གནང་ཡོདཔ་ཨིན་པས།
ཨིན་རུང་ དྷི་ལི་ཆེ་མཐོ་ཁྲིམས་འདུན་ལས་ ཉེས་འཛུགས་དང་ བཙོན་ཁྲིམས་བཀལ་མི་ལུ་ བསམ་པ་མ་རྫོགས་པ་ཅིན་ མཐོ་གཏུགས་འབད་ཆོག་པའི་ དུས་ཚོད་ཡང་གནང་ནུག་ཟེར་ བཀོད་འདུག་པའི་གནས་ཚུལ།