ལི་ཐུ་ནི་ཡ་གིས་ ཡུ་ཀེ་རེན་གྱི་དོན་ལས་ ཌཱོན་ཉོ་ནི།

རེའུ་ཊརཛ།
ར་ཤི་ཡའི་ དམག་ཁྲུག་ལུ་ གདོང་ལེན་འབད་ནིའི་དོན་ལས་ ལི་ཐུ་ནི་ཡའི་ མི་སེར་བརྒྱ་ཕྲག་ མཉམ་བསྡོམས་འབད་དེ་ ཡུ་ཀེ་རེན་གྱི་དོན་ལུ་ དམག་སྡེ་གོང་འཕེལ་གྱི་ དམག་ཆས་ཌཱོན་ཟེར་མི་ ཉོ་ནི་ཨིན་པས།
དེ་ཡང་ དམག་ཆས་ཌཱོན་ ཉོ་ནིའི་དོན་ལུ་ ཡུ་རུ་ས་ཡ་ ༥ དེ་ཅིག་ དགོས་མཁོ་ཡོད་མི་ལས་ ཉིན་གྲངས་ ༣ གྱི་ ནང་འཁོད་ལུ་ར་ ཡུ་རུ་ས་ཡ་ ༣ དེ་ཅིག་ ཞལ་འདེབས་བསྡུ་ལེན་འབད་ནུག།
ར་ཤི་ཡ་གིས་ ཡུ་ཀེ་རེན་ལུ་ དམག་འཁྲུག་དེ་ འགོ་མ་བཙུགས་པའི་ཧེ་མར་ ཁོང་ག་གིས་ཡང་ ཀྲོབ་མདའ་ཚུ་ ཉོ་ནི་གི་ མནོ་བསམ་ར་ མ་བཏང་ཟེར་ཨིནམ་ད་ འཛམ་གླིང་འདི་ ག་དེ་དྲག་དྲག་ ལེགས་ཤོམ་བཟོ་ཐབས་ལུ་ ག་ཅི་ཅིག་ ལག་ལེན་འཐབ་དགོཔ་དེ་ གལ་ཆེ་བས་ཟེར་ཨིན་པས།
ལི་ཐུ་ནི་ཡའི་ ཨམ་སྲུ་ཅིག་གིས་ ཡུ་ཀེ་རེན་གྱི་དོན་ལུ་ ཞལ་འདེབས་འབདཝ་འབད་ས་ར་ཡོདཔ་མ་ཚད་ ད་ལས་ཕར་ཡང་ ཡུ་ཀེ་རེན་གྱིས་ རྒྱལ་ཁ་མ་ཐོབ་ཚུན་ཚོད་ ཞལ་འདེབས་ཚུ་ འཕྲོ་མཐུད་དེ་ར་ འབད་ནི་ཨིན་ཟེར་ བཤད་ཡོདཔ་ད་ དེ་ཡང་ ར་ཤི་ཡ་གིས་ ལི་ཐུ་ནི་ཡའི་ རྒྱལ་ཁབ་དེ་ཡང་ དབང་གནོན་འབད་བའི་ འདྲོག་འཇིགས་ཡོད་པ་ལུ་བརྟེན་ཏེ་ཨིན་པས།
དམག་ཆས་ཌཱོན་དེ་ ཊར་ཀིའི་རྒྱལ་ཁབ་ནང་ལས་ ཉོ་ནི་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: