དམག་འཁྲུག་གིས་ ཧེ་མ་ལས་ མེ་འབར་ཏེ་ཡོད་པའི་གུ་ ཡུ་ཨེཛ་གིས་ མར་ཁུ་ཧེང་སྐལ།

བི་བི་སི།
ཡུ་ཀེ་རེན་དང་ ར་ཤི་ཡའི་ རྒྱལ་ཁབ་ ༢ ཀྱི་བར་ན་ དམག་འཁྲུག་ལུ་བརྟེན་ཏེ་ ཧེ་མ་ལས་ མེ་འབར་ཏེ་ཡོད་པའི་གུ་ ཡུ་ཨེཛ་གིས་ དོན་ཆེད་སྦེ་ར་ མར་ཁུ་ཧེང་སྐལ་བླུགསཔ་མས་ཟེར་ ར་ཤི་ཡ་གིས་ བཤད་ཡོདཔ་མ་ཚད་ དམག་འཁྲུག་དེ་ ཡུན་འགྱངས་སྦེ་ ལུས་བཅུག་ནི་ཨིན་པའི་ ཁ་ཉེས་ཡང་བཀལ་ནུག།
དེ་ཡང་ ཡུ་ཨེཛ་གི་སྲིན་འཛིན་ ཇཱོ་བཱ་ཡེ་ཌེན་གྱིས་ ཡུ་ཀེ་རེན་གྱི་ ཁྲོམ་སྡེ་ཀིབ་ལུ་ ཐག་རིང་གི་ མི་ཛ་ཡེལ་གསརཔ་ བཀྲམ་སྤེལ་འབད་ནི་ཨིནམ་སྦེ་ གསུངས་པའི་ཤུལ་ལུ་ ཁ་ཉེས་བཀལ་ཡོདཔ་ཨིན་པས།
དེ་བཟུམ་སྦེ་ ཇར་མཱན་གཞུང་གིས་ དེང་སང་ མཁའ་དམག་སྲུང་སྐྱོབ་ཀྱི་ རིམ་ལུགས་ཅིག་ ཡུ་ཀེ་རེན་ལུ་ གཏང་ནི་སྦེ་ ཁས་བླངས་འབད་མི་དེ་གིས་ཡང་ ར་ཤི་ཡའི་ མཁའ་དམག་ལས་ ཡུ་ཀེ་རེན་གྱི་ ཁྲོམ་ཚོགས་ག་ར་ སྲུང་སྐྱོབ་འབད་ནི་ལུ་ ཕན་ཐོགས་འབྱུང་ནི་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: