ཡུ་ཀེ་རེན་དང་ ར་ཤི་ཡའི་ དམག་འཁྲུག་ལུ་བརྟེན་ཏེ་ ཨཕ་རི་ཀ་ལུ་ མུ་གེ་འཐོན་ནི་གི་ཉེན་ཁ།

བི་བི་སི།
ཡུ་ཀེ་རེན་དང་ ར་ཤི་ཡའི་ དམག་འཁྲུག་ལུ་བརྟེན་ཏེ་ ཨཕ་རི་ཀའི་ རྒྱལ་ཁབ་ཚུ་ནང་ ཉེས་པ་མེདཔ་བཞིན་དུ་ ཉམས་རྒུད་ཕོག་སྟེ་ཡོདཔ་ལས་ ཞལ་འཛོམས་ཅིག་ནང་ ཨཕ་རི་ཀའི་ རྒྱལ་ཚོགས་འགོ་འཛིན་ མེག་ཀི་སཱོལ་གྱིས་ ར་ཤི་ཡའི་སྲིད་འཛིན་ ཝཱལ་ཌི་མིར་ པུ་ཊིན་ལུ་ དཀའ་སྡུག་བསལ་དགོཔ་སྦེ་ བཤད་ཡོདཔ་ཨིན་པས།
དེ་འབདཝ་ལས་ ར་ཤི་ཡའི་ སྲིད་འཛིན་གྱིས་ འབྲུ་སྣ་དང་ ལུད་དེ་ཚུ་ ཕྱིར་ཚོང་འཐབ་སྟེ་ དཀའ་ངལ་བསལ་ནི་གི་ ཁས་བླངས་འབད་ཡོད་རུང་ ཁ་གསལ་ཅིག་ ག་ནི་ཡང་ གསུངས་མ་བཏུབ་ཟེར་ཨིན་པས།
དེ་མ་ཚད་ དམག་འཁྲུག་དེ་ འགོ་བཙུགས་བཞིནམ་ལས་ ཡུ་ཀེ་རེན་གྱི་ གྲུ་ཆགས་སའི་ ས་གནས་མང་ཤོས་ཅིག་ནང་ ཡུ་ཀེ་རེན་ལས་ ཕྱིར་ཚོང་བཀག་དམ་འབད་ཡོད་རུང་ སྲིད་འཛིན་པུ་ཊིན་གྱིས་འབད་བ་ཅིན་ ཡུ་ཀེ་རེན་གྱི་ འབྲུ་སྣ་ཚུ་ ཕྱིར་ཚོང་འཐབ་ནི་ལས་ ར་ཤི་ཡ་གིས་ བཀག་དམ་འབད་འབདཝ་མེད་ཟེར་ཨིན་པས།
ཨཕ་རི་ཀ་ལུ་ བཟའ་སྤྱོད་ཀྱི་དོན་ལས་ ཀར་བརྒྱ་ཆ་ ༤༠ དེ་ཅིག་ ར་ཤི་ཡ་དང་ ཡུ་ཀེ་རེན་ལས་ ནང་འདྲེན་འབད་དོ་ཡོདཔ་ལས་ བཀག་དམ་དེ་ མ་གཏང་པ་ཅིན་ ཨཕ་རི་ཀ་ལུ་ མུ་གེ་འཐོན་ནི་གི་ ཉེན་ཁ་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།