ར་ཤི་ཡའི་ དམག་འཁྲུག་ལུ་བརྟེན་ཏེ་ གནམ་དགུན་གྱི་ ལོ་ཐོག་ཚུ་ བསྡུ་མི་ཚུགས་ནི།

རེའུ་ཊརཛ།
ཡུ་ཀེ་རེན་གྱི་ སོ་ནམ་བློན་པོ་གིས་ གསུངས་དོ་བཟུམ་འབད་བ་ཅིན་ ར་ཤི་ཡ་གིས་ ཡུ་ཀེ་རེན་ལུ་ བཙན་འཛུལ་ཐོག་ལས་ དམག་འཁྲུག་ལང་མི་ལུ་བརྟེན་ཏེ་ ས་ཞིང་ཧེག་ཊར་ ས་ཡ་ ༢.༤ དེ་ཅིག་ལས་ གནམ་དགུན་གྱི་ ལོ་ཐོག་ཚུ་ བསྡུ་མི་ཚུགས་ནི་ཨིནམ་ལས་ ཡུ་ཨེཛ་ཌོ་ལར་ ཐེར་འབུམ་ ༡.༤༣༥ དེ་ཅིག་ གྱོང་རྒུད་ཕོག་ནི་མས་ཟེར་ཨིན་པས།
དེ་མ་ཚད་ ར་ཤི་ཡ་གིས་ བཙན་འཛུལ་འབད་དེ་ དམག་འཁྲུག་ལང་པའི་སྟབས་ཀྱིས་ ད་ཚུན་གྱི་བར་ན་ སོ་ནམ་ལས་ཁུངས་ལུ་ ཡུ་ཨེཛ་ཌོ་ལར་ ཐེར་འབུམ་ ༤.༢༩༢ དེ་ཅིག་ཡང་ གྱོང་རྒུད་ཕོག་ནུག།
དེ་བཟུམ་སྦེ་ དམག་འཁྲུག་དེ་ལུ་བརྟེན་ཏེ་ ཡུ་ཀེ་རེན་ལུ་ སེམས་ཅན་མང་རབས་ཅིག་ བསད་ཡོད་མི་དེ་ཡང་ ར་དང་ ལུག་ ༤༢,༠༠༠ དང་ ནོར་ ༩༢,༠༠༠ དེ་ལས་ ཕགཔ་ ༢༥༨,༠༠༠ དང་ བྱ་ས་ཡ་ ༥.༧ ལྷགཔ་ཅིག་ཡང་ བསད་ཡོད་པའི་ ཚོད་རྩིས་བཏོན་ནུག་ཟེར་ བཀོད་འདུག་པའི་གནས་ཚུལ།

Please follow and like us: