རྒྱ་ནག་དང་ ར་ཤི་ཡ་ རྒྱལ་ཁབ་ ༢ ཀྱི་བར་ན་ ཨ་མུར་གཙང་ཆུ་གུ་ལས་ ཟམ་བཟོ་བསྐྲུན།

སི་ཨེན་ཨེན།
ར་ཤི་ཡ་དང་ རྒྱ་ནག་རྒྱབ་ཁབ་ ༢ ཀྱི་བར་ན་ ཨ་མུར་གཙང་ཆུ་གུ་ལས་ ཟམ་འགོ་དང་པ་ བཟོ་བསྐྲུན་འབད་མི་དེ་ གཞུང་ལམ་སྦེ་ རྒྱུན་འབྲེལ་འཐབ་ནིའི་དོན་ལུ་ འདས་པའི་བདུན་ཕྲག་ནང་ འགོ་འབྱེད་འབད་ནུག།
ད་ཚུན་ རྒྱལ་ཁབ་ ༢ ཀྱི་བར་ན་ ལོ་ངོ་བཅུ་ཕྲག་ལས་བཅད་དེ་ ཨ་མུར་གཙང་ཆུ་གིས་སྦེ་ རྒྱུན་འགྲུལ་འཐབ་མ་ཚུགས་པར་ ལུས་ཡོདཔ་ད་ རྒྱལ་ཁབ་ ༢ ཀྱི་བར་ན་ ས་ཐག་རིང་ཐུང་ མ་ཡེལ་ ༢,༥༠༠ ལས་མེད་རུང་ སྣུམ་འཁོར་འགྲོ་འགྲུལ་གྱི་ ཟམ་ཅིག་མེད་པར་ སྡོད་ཡོདཔ་ཨིན་པས།
སྤྱི་ཟླ་ ༦ པའི་ཚེས་ ༡༠ ལུ་ ར་ཤི་ཡ་དང་ རྒྱ་ནག་ ༢ མཉམ་འབྲེལ་ཐོག་ལས་ རྒྱུན་འགྲུལ་གསར་བཙུགས་འབད་ཡོདཔ་ད་ ད་རུང་ ཨ་མུར་གཙང་ཆུའི་གུ་ལས་ རེལ་ལི་རྒྱུན་འགྲུལ་གྱི་ཟམ་ཡང་ འཕྲལ་མགྱོགས་ར་ བཟོ་བསྐྲུན་འབད་ནི་གི་ རེ་བ་ཡོདཔ་ཨིན་པས།
ར་ཤི་ཡའི་ བློན་ཆེན་འོགམ་གིས་ གསུངས་དོ་བཟུམ་འབད་བ་ཅིན་ ཕྱི་ཁ་ལས་ བལྟ་མི་ཚུ་གི་སེམས་ཁར་ ཡུ་ཀེ་རེན་གྱི་ དམག་འཁྲུག་ལུ་བརྟེན་ཏེ་ ར་ཤི་ཡ་ལུ་ ཚོང་འབྲེལ་འཐབ་སའི་ ས་གོ་མེད་པར་ ཐབས་ཆག་ཡོདཔ་བཟུམ་མཐོང་རུང་ མཉམ་འབྲེལ་གྱི་ ཟམ་དེ་ལུ་བརྟེན་ཏེ་ ར་ཤི་ཡ་ལུ་ ཚོང་རོགས་རྒྱལ་ཁབ་ཡོད་པའི་ བརྡ་མཚོན་སྟོན་པའི་ཁར་ རྒྱ་ནག་གིས་ཡང་ ར་ཤི་ཡ་དང་གཅིག་ཁར་ འཕྲོ་མཐུད་དེ་ར་ མཉམ་འབྲེལ་གྱི་ཐོག་ལས་ ལཱ་འབད་ནི་ཨིནམ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: