འཛམ་གླིང་ནང་ དབང་པོ་སྐྱོན་ཅན་གྱི་ ཨ་ལོ་ཆུང་ཀུ་ ས་ཡ་ ༣༦ ཡོདཔ།

ཨེན་ཌི་ཊི་ཝི།
འཛམ་གླིང་ནང་ འཐབ་འཛིང་དང་ རྩུབ་སྤྱོད་ དེ་ལས་ གནས་སྟངས་ཚབས་ཆེན་ལུ་བརྟེན་ཏེ་ དབང་པོ་སྐྱོན་ཅན་གྱི་ ཨ་ལོ་ཆུང་ཀུ་ཚུ་ ས་ཡ་ ༣༦.༥ དེ་ཅིག་ཡོད་མི་དེ་ འཛམ་གླིང་དམག་ཆེན་ ༢ པ་ལས་ ད་ཚུན་གྱི་རིང་ལུ་ གྱངས་ཁ་མཐོ་ཤོས་ཅིག་ཨིན་པའི་སྐོར་ལས་ འཛམ་གླིང་སྤྱི་ཚོགས་ ཨ་ལོའི་མ་དངུལ་ ཡུ་ནི་སེཕ་གི་ སྙན་ཞུ་ཅིག་ནང་བཀོད་ནུག།
དེ་འབདཝ་ད་ གནམ་གཤིས་དང་ མཐའ་སྐོར་གནས་སྟངས་ལུ་བརྟེན་ཏེ་ རྣམ་རྟོག་ལང་ནི་གི་ རྒྱུ་རྐྱེན་དང་ རྐྱེན་ངན་ཚབས་ཆེན་བྱུང་མི་ དེ་ལས་ སྤྱི་ལོ་ ༢༠༢༢ ལུ་ ཨ་ལོ་ཆུང་ཀུ་ཚུ་ ཕར་ཚུར་སྤོ་བཤུད་འབད་མི་དང་ ར་ཤི་ཡ་དང་ ཡུ་ཀེ་རེན་གྱི་ དམག་འཁྲུག་ལུ་བརྟེན་ཏེ་ ཨ་ལོ་ཆུང་ཀུ་ སྤོ་བཤུད་འབད་མི་ཚུ་ སྙན་ཞུ་དེ་ནང་ མ་བཀོད་པར་ཡོདཔ་ཨིན་པས།
དེ་མ་ཚད་ ཨ་ལོ་སྐྱབས་བཅོལ་བ་ ས་ཡ་ ༡༣.༧ དང་ སྐྱབས་འཚོལ་མི་ ཧ་ལམ་ས་ཡ་ ༢༢.༨ དེ་ཅིག་ཡོདཔ་ལས་ སྤྱི་ལོ་ ༢༠༢༡ ལུ་ དབང་པོ་སྐྱོན་ཅན་གྱི་ ཨ་ལོ་ཆུང་ཀུ་ ས་ཡ་ ༢.༢ དེ་ཅིག་ལུ་ ཡར་སེང་སོང་ནུག་ཟེར་ བཀོད་འདུག་པའི་གནས་ཚུལ།

Please follow and like us: