ཡུ་རོབ་མི་མང་གི་ རེ་འདོད་ལྟར་དུ་ ཡུ་ཀེ་རེན་གྱིས་ གོ་སྐབས་ཐོབ་ཡོདཔ།

ཨིན་ཌི་ཡ་ཊུ་ཌེ།
ཡུ་ཀེ་རེན་གྱི་ ཤར་ཕྱོགས་ཁ་ཐུག་ལུ་ དམག་འཁྲུག་གི་ འཚུབ་ཆ་ཡོད་རུང་ ཡུ་ཀེ་རེན་ རྒྱལ་ཁབ་དེ་ ཡུ་རོབ་ཚོགས་སྡེའི་གྲངས་སུ་ འཛུལ་ཞུགས་ཀྱི་ ངོས་ལེན་འབད་ཡོདཔ་ལས་ ཡུ་ཀེ་རེན་གྱི་ གནས་ཚད་གོང་འཕེལ་བཏང་ཚུགས་ནུག།
དེ་ཡང་ སྤྱི་ཟླ་ ༦ པའི་ཚེས་ ༡༧ ལུ་ ཡུ་རོབ་ཚོགས་སྡེའི་ དབུ་ཁྲིད་ཞལ་འཛོམས་ཅིག་ནང་ གསུང་གྲོས་བྱུང་དོ་བཟུམ་འབད་བ་ཅིན་ ཡུ་ཀེ་རེན་དང་ ཁྱིམ་ཚང་རྒྱལ་ཁབ་ མཱོལ་ཌོ་ཝ་ ༢ ཡུ་རོབ་ཚོགས་སྡེའི་ བཀོད་ཁྱབ་ཀྱི་ རྒྱབ་སྣོན་ངོ་སྦྱོར་ཐོག་ལུ་ ཡུ་རོབ་ཚོགས་སྡེའི་ དབུ་ཁྲིདཔ་ཚུ་གིས་ རྒྱབ་སྐྱོར་མཛད་པའི་ རེ་བ་ཡོདཔ་ཨིན་པས།
ཡུ་ཀེ་རེན་གྱི་སྲིད་འཛིན་ ཝོ་ལོ་ཌེ་མིར་གྱིས་ ཡུ་ཀེ་རེན་གྱི་ སྙིང་སྟོབས་ལུ་བརྟེན་ཏེ་ ཡུ་རོབ་ལུང་ཕྱོགས་ནང་ རང་བཙན་གྱི་ འབྱུང་རབས་གསརཔ་ བཟོ་ནི་ལུ་ གོ་སྐབས་ཐོབ་པའི་གུ་ མཐའ་འཇུག་ལུ་ ཡུ་རོབ་ཚོགས་སྡེ་དང་ ར་ཤི་ཡ་ ༢ ཀྱི་བར་ན་ ས་ཁོངས་ཀྱི་ གནས་སྟངས་སྐྱོ་སི་སི་ཡོད་མི་དེ་ཡང་ སེལ་ཚུགས་ཡོད་ལུགས་ གསུངས་ཡོད་པའི་སྐོར་ལས་ བཀོད་འདུག་པའི་གནས་ཚུལ།