ཨཕ་གྷ་ནིཛ་ཏཱན་ལུ་ ས་ཡོམ་གྱིས་གནོད་སྐྱོན།

ཨཱལ་ཇ་ཟི་ར།

སྤྱི་ཟླ་ ༦ པའི་ཚེས་ ༢༢ ལུ་ ཨཕ་གྷ་ནིཛ་ཏཱན་ རྒྱལ་ཁབ་ནང་ ས་ཡོམ་ཤུགས་ཚད་ མེག་ནེ་ཅཱུད་ ༦.༡ འབད་མི་ཅིག་ རྐྱབ་ཡོདཔ་ལས་ མི་གྲངས་ ༢༨༠ དེ་ཅིག་ལུ་ ཤི་རྐྱེན་དང་ ༢༠༠ དེ་ཅིག་ལུ་ རྨ་སྐྱོན་བྱུང་ཡོདཔ་ཨིན་པས།

དེ་ཡང་ པག་ཏི་ཀ་མངའ་སྡེའི་ནང་ མི་གྲངས་ ༢༥༥ ལུ་ ཤི་རྐྱེན་བྱུང་མི་དེ་ གྱངས་ཁ་མཐོ་ཤོས་ཅིག་ཨིནམ་ད་ དེ་ལས་ ཁོཛ་མངའ་སྡེའི་ནང་ མི་གྲངས་ ༢༥ ལུ་ ཤི་རྐྱེན་བྱུང་པའི་ཁར་ མི་གྲངས་ ༩༠ དེ་ཅིག་ལུ་ཡང་ རྨ་སྐྱོན་བྱུང་ཡོདཔ་ལས་ སྨན་ཁང་ནང་བསྐྱལ་ནུག།

ད་རུང་ ས་ཐག་རིང་སའི་ གཡུས་ཚན་དག་པ་ཅིག་དང་ རི་ལྡན་ས་ཁོངས་ཚུ་གི་ནང་ལས་ སྙན་ཞུ་ཚུ་ ཐོབ་མ་ཚུགས་པ་ལུ་བརྟེན་ཏེ་ ཤི་རྐྱེན་གྱི་གྱངས་ཁ་དེ་ ཡར་སེང་འགྱོ་ནི་བཟུམ་ཅིག་ཡོདཔ་སྦེ་ གཞུང་འབྲེལ་འགོ་དཔོན་ཚུ་གིས་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།