ཡུ་ཀེ་རེན་དང་ མཱོལ་ཌོ་ཝ་ རྒྱལ་ཁབ་ ༢ ཡུ་རོབ་གཅིག་བསྡོམས་ཚོགས་པའི་ འཐུས་མིར་ངོས་ལེན།

བི་བི་སི།
ཡུ་རོབ་ལྷན་ཚོགས་ཀྱི་གཙོ་འཛིན་ ཅར་ལེཛ་ མ་ཡེ་ཀཱལ་གྱིས་ གསུངས་དོ་བཟུམ་འབད་བ་ཅིན་ ཡུ་ཀེ་རེན་དང་ མཱོལ་ཌོ་ཝ་ རྒྱལ་ཁབ་ ༢ ཡུ་རོབ་གཅིག་བསྡོམས་ཚོགས་པའི་ འཐུས་མི་སྦེ་ ངོས་ལེན་མཛད་ཅི་ཟེར་ཨིན་པས།
དེ་ཡང་ དུས་ཅི་ སྤྱི་ཟླ་ ༢ པའི་ནང་ ར་ཤི་ཡ་གིས་ ཡུ་ཀེ་རེན་ རྒྱལ་ཁབ་ནང་ བཙན་འཛུལ་འབད་བའི་ཤུལ་ལས་ ཡུ་རོབ་གཅིག་བསྡོམས་ཚོགས་པའི་ འཐུས་མི་སྦེ་ འཛུལ་ཞུགས་ཀྱི་ ཞུ་ཡིག་ཕུལ་ཡོདཔ་བཞིན་དུ་ ངོས་ལེན་མཛད་ནུག།
མ་གཞི་ ར་ཤི་ཡ་གིས་ ཡུ་ཀེ་རེན་ རྒྱལ་ཁབ་ནང་ བཙན་འཛུལ་འབད་དེ་ཡོད་རུང་ ཡུ་ཀེ་རེན་གྱི་རྒྱལ་ས་ ཀིབ་ཀྱི་ཁྲོམ་དཔོན་ ཝི་ཏ་ལི་ ཀི་ལིཆ་ཀོ་གིས་འབད་བ་ཅིན་ མི་ཁུངས་གཅིག་པའི་ མི་སེར་ཚུ་ལུ་ སེམས་ཚོར་དྲག་པོའི་སྒོ་ལས་ གུས་བཏུད་ཞུ་ཡོད་ཟེར་ཨིན་པས།
ད་ལས་ཕར་ཡང་ ཡུ་རོབ་ཀྱི་ བཟའ་ཚང་ཚུ་ལུ་ ཁོང་གིས་འབད་དགོཔ་ ལེ་ཤ་ཅིག་ར་ཡོདཔ་བཞིན་དུ་ ཡུ་ཀེ་རེན་གྱི་ མི་སེར་ཚུ་གིས་ གནས་ཚིག་ཚུ་ མཐར་འཁྱོལ་ཅན་ཅིག་སྦེ་ བཟོ་ནི་དང་ གལ་གནད་ཆེ་བའི་ ཁྲིམས་ཚུ་བརྩམ་སྟེ་ ཆ་འཇོག་འགྲུབ་པའི་ བློ་སྤོབས་ཐོབ་སྟེ་ཡོད་ཟེར་ཨིན་པས།
གལ་སྲིད་ ཡུ་ཀེ་རེན་ རྒྱལ་ཁབ་དེ་ ར་ཤི་ཡ་གིས་ དབང་པ་ཅིན་ རྒྱལ་ཁབ་དེ་ནང་ མ་འོངས་གནས་སྟངས་དེ་ ལེགས་ཤོམ་ཅིག་ རྩ་ལས་ར་ མི་འོང་ནི་ཨིན་པས་ཟེར་ བཀོད་འདུག་པའི་གནས་ཚུལ།